International
സുഡാനില്‍ സൈനിക വിമാനം തകര്‍ന്ന് വീണ് പത്ത് മരണം
വിമാനം തകര്‍ന്നുവീണ പരിസരത്തെ നിരവധി വീടുകള്‍ക്ക് കേടുപാടുകള്‍ സംഭവിച്ചതായി ദൃക്സാക്ഷികള്‍ പറഞ്ഞു.
ഖാര്‍ത്തും | സുഡാനില്‍ സൈനിക വിമാനം തകര്‍ന്ന് വീണ്ടുണ്ടായ അപകടത്തില്‍ ഉദ്യോഗസ്ഥരും സാധാരണക്കാരും ഉള്‍പ്പടെ പത്ത് പേര്‍ മരിച്ചു. തലസ്ഥാനമായ ഖാര്‍ത്തൂമിന്റെ പ്രാന്തപ്രദേശത്താണ് അപകടമുണ്ടായത്.
അപകടത്തില്‍ നിരവധിപേര്‍ക്ക് പരുക്കേറ്റു. വ്യോമതാവളത്തില്‍ നിന്ന് പറന്നുയരുന്നതിനിടെ വിമാനം തകര്‍ന്നുവീണുവെന്നും സൈനിക ഉദ്യോഗസ്ഥരും സാധാരണക്കാരും കൊല്ലപ്പെടുകയും നിരവധി പേര്‍ക്ക് പരുക്കേല്‍ക്കുകയും ചെയ്തുവെന്നും സൈന്യം പ്രസ്താവനയില്‍ അറിയിച്ചു.
ഗ്രേറ്റര്‍ ഖാര്‍ത്തൂമിന്റെ ഭാഗമായ ഓംദുര്‍മാനിലെ ഏറ്റവും വലിയ സൈനിക കേന്ദ്രങ്ങളിലൊന്നായ വാദി സെയ്ദ്ന വ്യോമതാവളത്തിന് സമീപമാണ് അപകടം നടന്നത്.
പരുക്കേറ്റവരെ ആശുപത്രിയില്‍ പ്രവേശിപ്പിച്ചു. അഗ്‌നിശമന സേനയെത്തിയതാണ് സ്ഥലത്തെ തീ നിയന്ത്രണ വിധേയമാക്കിയത്. സാങ്കേതിക തകരാറാണ് അപകടത്തിന് കാരണമെന്നാണ് അറിയുന്നത് . വിമാനം തകര്‍ന്നുവീണ പരിസരത്തെ നിരവധി വീടുകള്‍ക്ക് കേടുപാടുകള്‍ സംഭവിച്ചതായി ദൃക്സാക്ഷികള്‍ പറഞ്ഞു.
Latest
വെഞ്ഞാറമൂട് കൂട്ടക്കൊല: പ്രതിയുടെ മാതാവിന്റെ മൊഴിയെടുത്തേക്കും
പത്ത് വയസ്സുകാരി തൂങ്ങിമരിച്ച നിലയില്‍
മകന്റെ സുഹൃത്തിന്റെ ജ്യേഷ്ഠനെ തട്ടിക്കൊണ്ടുപോയ വീട്ടമ്മ റിമാന്‍ഡില്‍
അഞ്ചുദശലക്ഷം ഡോളര്‍ അടച്ച് യു എസ് പൗരത്വം നേടൂ; ആശങ്കയോടെ ഗ്രീന്‍ കാര്‍ഡ് അപേക്ഷകര്‍
ആശവര്‍ക്കര്‍മാരുടെ സമരം; സര്‍ക്കാര്‍ ഇറക്കിയ സര്‍ക്കുലര്‍ കത്തിച്ച് പ്രതിഷേധിക്കുമെന്ന് കോണ്‍ഗ്രസ്
കുവൈത്തിൽ കൊടും തണുപ്പ്; രേഖപെടുത്തിയത് 60വർഷത്തിടയിലെ ഏറ്റവും കുറഞ്ഞ താപനില
