Kerala
താമരശ്ശേരി ഷഹബാസ് കൊലപാതകം; കുറ്റാരോപിതരുടെ ജാമ്യാപേക്ഷ വിധി പറയാന്‍ മാറ്റി
ജാമ്യാപേക്ഷയില്‍ വിധി 8ന്
കോഴിക്കോട് | താമരശ്ശേരി ഷഹബാസ് കൊലപാതകക്കേസില്‍ കുറ്റാരോപിതരായ വിദ്യാര്‍ഥികളുടെ ജാമ്യാപേക്ഷ വിധി പറയാനായി ഏപ്രില്‍ എട്ടിലേക്ക് മാറ്റി.കോഴിക്കോട് ജില്ലാ സെഷന്‍സ് കോടതിയാണ് കേസില്‍ വിധി പറയുക.
ജുവൈനല്‍ ജസ്റ്റിസ് ബോര്‍ഡ് ജാമ്യാപേക്ഷ തള്ളിയതോടെയാണ് കുറ്റാരോപിതര്‍ ജില്ലാ സെഷന്‍സ് കോടതിയെ സമീപിച്ചത്. അന്വേഷണം പ്രാഥമിക ഘട്ടത്തിലാണ്.കുറ്റാരോപിതര്‍ക്ക് പ്രായപൂര്‍ത്തിയായില്ലെന്ന പരിഗണന വച്ച് ജാമ്യം നല്‍കരുതെന്നും പ്രോസിക്യൂഷന്‍ വാദിച്ചു.പ്രതി പട്ടികയിലുള്ള ആറ് വിദ്യാര്‍ഥികള്‍ക്കും ക്രിമിനല്‍ സ്വഭാവമുണ്ടെന്നും ഇവര്‍ക്ക് ജാമ്യം നല്‍കരുതെന്നും നേരത്തെ ഷഹബാസിന്റെ പിതാവ് കോടതിയെ അറിയിച്ചിരുന്നു.
കഴിഞ്ഞ മാസം 28നാണ് താമരശേരിയില്‍ രണ്ട് സ്‌കൂളുകളിലെ വിദ്യാര്‍ഥികള്‍ തമ്മില്‍ ഉണ്ടായ സംഘര്‍ഷത്തില്‍ ഷഹബാസിന് ഗുരുതര പരുക്കേറ്റത്. ഇതിനെ തുടര്‍ന്ന് ഷഹബാസിനെ ആശുപത്രിയില്‍ പ്രവേശിപ്പിച്ചെങ്കിലും വെന്റിലേറ്ററില്‍ ചികിത്സയില്‍ കഴിയവേ മരണം സംഭവിക്കുകയായിരുന്നു.തുടര്‍ന്ന് താമരശേരി പോലീസ് ഇന്‍സ്പെക്ടര്‍ സായൂജന്റെ നേതൃത്വത്തില്‍ നടത്തിയ അന്വേഷണത്തില്‍ ആക്രമിച്ച ആറ് പേരെ പോലീസ് കസ്റ്റഡിയിലെടുക്കുകയായിരുന്നു.
Latest
40ലധികം വ്യാജ ആരോഗ്യ ഉത്പങ്ങൾക്ക് അബൂദബി വിലക്കേർപ്പെടുത്തി
എംഎം മണിയുടെ ആരോഗ്യനിലയില് പുരോഗതി; വെന്റിലേറ്ററില്‍ നിന്നും മാറ്റി
മാസപ്പടിക്കേസില് അന്വേഷിക്കാന് ഒന്നുമില്ലെന്ന് നാല് കോടതികള് വ്യക്തമാക്കിയതാണ്; മന്ത്രി പി രാജീവ്
ബോളിവുഡ് നടന് മനോജ് കുമാര് അന്തരിച്ചു
മലപ്പുറത്ത് നാല് എസ്ഡിപിഐ പ്രവര്ത്തകര് എന്ഐഎ കസ്റ്റഡിയില്
യു എ ഇ ഫുഡ് ബേങ്ക് 70 ലക്ഷം ഭക്ഷണം എത്തിച്ചു
