Kerala
വൈദ്യപരിശോധനയ്ക്ക് എത്തിച്ച പ്രതി പോലീസ് കസറ്റഡിയില്‍ നിന്നും ഓടി രക്ഷപ്പെട്ടു
വെള്ളിയാഴ്ച അര്‍ധരാത്രി പറവണ്ണയില്‍ വെച്ചുണ്ടായ അടിപിടിയെ തുടര്‍ന്നാണ് റബീഹിനെ പോലീസ് കസ്റ്റഡിയിലെടുത്തത്.
തിരൂര്‍| കസ്റ്റഡിയിലെടുത്ത് വൈദ്യപരിശോധനയ്ക്ക് ആശുപത്രിയിലെത്തിച്ച പ്രതി ഓടിരക്ഷപ്പെട്ടു. പറവണ്ണ സ്വദേശി റബീഹ് ആണ് രക്ഷപ്പെട്ടത്. ശനിയാഴ്ച ഉച്ചയോടെയാണ് സംഭവം. പ്രതി പോലീസ് ധരിപ്പിച്ച വിലങ്ങില്‍നിന്ന് കൈ ഊരിയെടുത്ത് ഓടിരക്ഷപ്പെടുകയായിരുന്നു.
വെള്ളിയാഴ്ച അര്‍ധരാത്രി പറവണ്ണയില്‍ വെച്ചുണ്ടായ അടിപിടിയെ തുടര്‍ന്നാണ് റബീഹിനെ പോലീസ് കസ്റ്റഡിയിലെടുത്തത്. റബീഹിനെയും റിമാന്‍ഡില്‍ കസ്റ്റഡിയിലെടുത്ത മറ്റൊരു പ്രതിയെയുമാണ് വൈദ്യപരിശോധനയ്ക്കായി പോലീസ് ആശുപത്രിയില്‍ എത്തിച്ചത്.
ഇരുവരുടെയും കൈകളില്‍ വിലങ്ങ് ധരിപ്പിക്കുകയും പ്രതികളുടെ കൂടെ 3 പോലീസുകാരും ഉണ്ടായിരുന്നു . എന്നാല്‍ ആശുപത്രിയില്‍ കയറിയതും റബീഹ് വിലങ്ങില്‍ നിന്ന് കൈ ഊരിയെടുത്ത് ഇറങ്ങിയോടുകയായിരുന്നു. കൂടെ പോലീസുകാരും ഓടിയെങ്കിലും പ്രതിയെ പിടികൂടാന്‍ സാധിച്ചില്ല. റബീഹിനെ പിടികൂടാന്‍ പോലീസ് അന്വേഷണം ഊര്‍ജിതമാക്കി.
Latest
വെള്ളിയാഴ്ച ഉച്ചകഴിഞ്ഞു നടത്തുന്ന ഹയര്‍സെക്കന്‍ഡറി പരീക്ഷകളുടെ സമയക്രമത്തില്‍ മാറ്റം
കോമ്പസ്‌കൊണ്ട് മുറിവേല്‍പ്പിച്ചു,സ്വകാര്യ ഭാഗങ്ങളില്‍ ഡംബല്‍ തൂക്കി; അതിക്രൂര റാഗിങ്ങില്‍ അഞ്ച് വിദ്യാര്‍ഥികള്‍ക്കെതിരെ കേസ്
കുള്ളാര്‍ ഡാം നാളെ തുറക്കും
കാട്ടാന ആക്രമണത്തില്‍ കൊല്ലപ്പെട്ട സോഫിയ ഇസ്മയിലിന്റെ ഖബറടക്കം നടത്തി
പോര് ധ്രുവ് റാഠിയും ബി ജെ പിയും തമ്മിലോ?
പ്രധാനമന്ത്രിയുടെ ചിത്രം ദുരുപയോഗം ചെയ്തു; പാതിവില തട്ടിപ്പില്‍ കേസെടുത്ത് ഇഡി
