criminal arrested
ജ്വല്ലറി കവര്‍ച്ച കേസിലെ പ്രതിയെ പോക്സോ കേസിലും അറസ്റ്റ് ചെയ്തു
കഴിഞ്ഞ പതിനെട്ടിന് താമരശ്ശേരി കാരാടി ബസ് സ്റ്റാന്റില്‍ വച്ച് പെണ്‍കുട്ടിയുടെ കൈയില്‍ പിടിച്ച് തടഞ്ഞു വയ്ക്കുകയും ആക്രമിക്കുകയും ചെയ്തു
കോഴിക്കോട് | ജ്വല്ലറി കവര്‍ച്ച കേസിലെ പ്രതിയെ പോക്സോ കേസിലും അറസ്റ്റ് ചെയ്തു. താമരശ്ശേരി റന ഗോള്‍ഡിന്റെ ചുമര്‍ തുറന്ന് സ്വര്‍ണം മോഷ്ടിച്ച കേസിലെ പ്രതിയായ പൂനൂര്‍ പാലന്തലക്കല്‍ നിസാറി(25) നെയാണ് താമരശ്ശേരി പോലീസ് പോക്സോ കേസിലും അറസ്റ്റ് ചെയ്തത്.
കോഴിക്കോട് മെഡിക്കല്‍ കോളജ് ആശുപത്രിക്ക് സമീപം വാടകക്ക് താമസിച്ച നിസാര്‍ 2022 നംവബറില്‍ പ്രായപൂര്‍ത്തിയാവാത്ത പെണ്‍കുട്ടിയെ പരിചയപ്പെടുകയും പിന്നീട് നിരന്തരം ശല്യം ചെയ്തതായും ലഭിച്ച പരാതിയിലാണ് നടപടി സ്വീകരിച്ചതെന്ന് പോലീസ് പറഞ്ഞു.
കുട്ടിയെ ഫോണിലൂടെ ശല്യപ്പെടുത്തുക പതിവാക്കിയ പ്രതി കഴിഞ്ഞ പതിനെട്ടിന് താമരശ്ശേരി കാരാടി ബസ് സ്റ്റാന്റില്‍ വച്ച് കുട്ടിയുടെ കൈയില്‍ പിടിച്ച് തടഞ്ഞു വയ്ക്കുകയും ആക്രമിക്കുകയും ചെയ്തുവെന്നും പരാതിയുണ്ടായിരുന്നു. പരാതിയില്‍ വിശദമായ അന്വേഷണം നടത്തിയ ശേഷമാണ് പ്രതിയെ അറസ്റ്റു ചെയ്തത്. ജ്വല്ലറി കവര്‍ച്ചാ കേസിലെ ഒന്നാം പ്രതിയും നിസാറിന്റെ സഹോദരനുമായ നവാഫിനെ കുന്ദമംഗലം സ്വദേശിനിയുടെ പരാതിയില്‍ പോക്സോ കേസില്‍ നേരത്തെ അറസ്റ്റു ചെയ്തിരുന്നു.
ഇവരുടെ മൂത്ത സഹോദരനായ റാഷിദും പോക്സോ കേസില്‍ പ്രതിയാണ്. പിതാവ് മോഷണക്കേസില്‍ ജയില്‍വാസം അനുഭവിച്ചിരുന്നതായും പോലീസ് പറഞ്ഞു. താമരശ്ശേരി ഡിവൈ എസ് പി എം വി വിനോദിന്റെ നേതൃത്വത്തിലുള്ള പ്രത്യേക സംഘമാണ് ഈ കേസുകള്‍ അന്വേഷിച്ച് പ്രതികളെ പിടികൂടിയത്.
Latest
സംസ്ഥാന സ്‌കൂള്‍ ശാസ്ത്രോത്സവത്തിന് ഇന്ന് ആലപ്പുഴയില്‍ തുടക്കം
മരുന്നുവില ഇരട്ടിയോളം കൂട്ടി കേന്ദ്രം
ആത്മകഥാ വിവാദം: പാര്‍ട്ടി ആവശ്യപ്പെട്ടില്ലെങ്കിലും വിശദീകരണം നല്‍കാന്‍ ഇ പി
ഗസ്സയില്‍ ഇസ്‌റാഈല്‍ നടത്തുന്നത് വംശഹത്യ തന്നെ; ഐക്യരാഷ്ട്ര സമിതിയുടെ റിപോര്‍ട്ട്
വ്യത്യസ്ത പരിപാടികളോടെ ഇശല്‍ ഓണം 17 ന് അബൂദബിയില്‍
ക്രൂരതയരുത്‌; ആന എഴുന്നള്ളത്തിന് കര്‍ശന വ്യവസ്ഥകള്‍ ഏര്‍പ്പെടുത്തി ഹൈക്കോടതി
