Kerala
ബാലചന്ദ്രമേനോനെതിരെ നടി പരാതി നല്കി
പരാതിക്കാരിക്കെതിരെ നിയമ നടപടി സ്വീകരിക്കുമെന്ന് ബാലചന്ദ്ര മേനോന് പ്രതികരിച്ചു
തിരുവനന്തപുരം | നടനും സംവിധായകനുമായ ബാലചന്ദ്രമേനോനെതിരെ ആലുവ സ്വദേശിനിയായ നടി പ്രത്യേക അന്വേഷണ സംഘത്തിന് മുന്നില് പരാതി നല്കി. ദേ ഇങ്ങോട്ട് നോക്ക്യേ എന്ന സിനിമ ഷൂട്ടിനിടെ ലൈംഗീകാതിക്രമം നടത്തിയെന്നാണ് പരാതി. ആരോപണം അടിസ്ഥാന രഹിതമാണെന്നും പരാതിക്കാരിക്കെതിരെ നിയമ നടപടി സ്വീകരിക്കുമെന്നും ബാലചന്ദ്ര മേനോന് പ്രതികരിച്ചു.
2007 ജനുവരിയില് തിരുവനന്തപുരത്തെ ഹോട്ടല് വച്ച് മുറിയില് വച്ച് ലൈംഗീകാതിക്രമം നടത്തിയെന്നാണ് പരാതിയില് പറയുന്നത്. ഗ്രൂപ്പ് സെക്സിന് നിര്ബന്ധിച്ചു, ഹോട്ടല് മുറിയില് കയറി വന്ന് ലൈംഗിക അതിക്രമം നടത്തിയെന്നും പരാതിയിലുണ്ട്. പുറത്ത് പറഞ്ഞാല് ചിത്രീകരിച്ച സിനിമാ രംഗങ്ങള് ഒഴിവാക്കുമെന്നും ഭീഷണിപ്പെടുത്തി.
ഭയന്നാണ് പരാതി നല്കാന് ഇതുവരെ തയ്യാറാകാതിരുന്നതെന്നാണ് നടിയുടെ വിശദീകരണം. ആലുവ സ്വദേശിയായ ഈ നടിയും അഭിഭാഷകനും ബ്ലാക്മെയില് ചെയ്തെന്നാരോപിച്ച് ബാലചന്ദ്രമേനോന് സംസ്ഥാന പോലീസ് മേധാവിക്കും മുഖ്യമന്ത്രിക്കും പരാതി നല്കിയിരുന്നു.