Video

കനത്ത മഴയില്‍ കെട്ടിടം തകര്‍ന്നു; വയോധികയും രണ്ട് പേരക്കുട്ടികളും മരിച്ചു

അവശിഷ്ടങ്ങള്‍ക്കിടയില്‍ കുടുങ്ങിയ മറ്റ് അഞ്ച് പേരെ രക്ഷാപ്രവര്‍ത്തകര്‍ രക്ഷപ്പെടുത്തി. ദേശീയ ദുരന്ത നിവാരണ സേനയെ കൂടാതെ സംസ്ഥാന പോലീസ്, അഗ്‌നിശമന സേന, നാട്ടുകാര്‍ തുടങ്ങിയവര്‍ ചേര്‍ന്നാണ് അപകടമേഖലയില്‍ രക്ഷാപ്രവര്‍ത്തനം നടത്തിയത്.

ഗുജറാത്തില്‍ കനത്ത മഴയില്‍ മൂന്ന് നില കെട്ടിടം തകര്‍ന്നു വീണ് 65 വയസ്സുള്ളസ്ത്രീക്കും രണ്ട് പേരക്കുട്ടികള്‍ക്കും ദാരുണാന്ത്യം. കെശര്‍ബെന്‍ കഞ്ചാരിയ (65 ), പ്രിതിബെന്‍ കഞ്ചാരിയ (15), പായല്‍ബെന്‍ കഞ്ചാരിയ (18) എന്നിവരാണ് മരിച്ചത്. ദേവഭൂമി ജില്ലയിലെ ജാംഖംഭാലിയ പട്ടണത്തിലാണ് അപകടമുണ്ടായത്.

ഇന്നലെ വൈകീട്ടാണ് സംഭവം. ആറുമണിക്കൂര്‍ നീണ്ട പരിശ്രമത്തിനൊടുവില്‍ഇന്നലെ അര്‍ധരാത്രിയോടെയാണ് ദേശീയ ദുരന്ത നിവാരണ സേന മൂന്നുപേരുടെയും മൃതദേഹം പുറത്തെടുത്തത്.