Kerala
ചെത്തുതൊഴിലാളിയെ അയല്‍വാസി കല്ലുകൊണ്ടിടിച്ച് കൊലപ്പെടുത്തി
സൈക്കിളില്‍ പോകുകയായിരുന്ന ബിജുവിനെ അപ്പു തടഞ്ഞു നിര്‍ത്തിയ ശേഷം ആക്രമിക്കുകയായിരുന്നു
വാഴൂര്‍ | മുന്‍വൈരാഗ്യത്തെ തുടര്‍ന്ന് ചെത്തുതൊഴിലാളിയെ അയല്‍വാസിയായ യുവാവ് കരിങ്കല്ലിന് ഇടിച്ചു കൊന്നു. ചാമംപതാല്‍ കറിയാപറമ്പില്‍ ബിജു (57) ആണ് കൊല്ലപ്പെട്ടത്. സംഭവത്തില്‍ ചാമംപതാല്‍ വെള്ളാറപ്പള്ളി വീട്ടില്‍ അപ്പു (23) വിനെ പോലീസ് അറസ്റ്റു ചെയ്തു. ഞായറാഴ്ച വൈകീട്ട് നാലരയോടെ വെള്ളാറപ്പള്ളി-മാരാംകുന്ന് റോഡിലായിരുന്നു സംഭവം.
തെങ്ങ് ചെത്താനായി സൈക്കിളില്‍ പോകുകയായിരുന്ന ബിജുവിനെ അപ്പു തടഞ്ഞു നിര്‍ത്തിയ ശേഷം ആക്രമിക്കുകയായിരുന്നു. നിലത്തു വീണ ബിജുവിന്റെ തലയ്ക്ക് കരിങ്കല്ലുകൊണ്ട് ഇടിച്ച ശേഷം ഇവിടെ നിന്നും ഓടി രക്ഷപ്പെട്ടു. ഇയാളെ ചാമംപതാല്‍ ഭാഗത്തു നിന്നും പോലീസ് പിടികൂടി. രക്തം വാര്‍ന്നു റോഡില്‍ കിടന്ന ബിജു സംഭവസ്ഥലത്ത് തന്നെ മരിച്ചു. മൃതദേഹം കോട്ടയം മെഡിക്കല്‍കോളേജിലേക്ക് മാറ്റി. ഇവര്‍ തമ്മില്‍ മുന്‍പും തര്‍ക്കമുണ്ടായിരുന്നതായി പോലീസ് പറഞ്ഞു. ബിജുവിന്റെ ഭാര്യ:തങ്കമ്മ. മക്കള്‍: ബിജേഷ്, അഭിലാഷ്.
Latest
ഹൗസ് ബോട്ടില്‍ നിന്നും വീണ മകളെ രക്ഷിക്കാന്‍ കായലില്‍ ചാടിയ അച്ഛന്‍ മരിച്ചു
ചെത്തുതൊഴിലാളിയെ അയല്‍വാസി കല്ലുകൊണ്ടിടിച്ച് കൊലപ്പെടുത്തി
പാര്‍ട്ടിയുണ്ടാക്കാനില്ല; ജനം പാര്‍ട്ടിയായാല്‍ പിന്നിലുണ്ടാകും: പി വി അന്‍വര്‍ എംഎല്‍എ
കുവൈത്തില്‍ ഇന്റര്‍നെറ്റ് സേവനങ്ങളിലെ തകരാറുകള്‍ പരിഹരിച്ചതായി സിത്ര
മുഖ്യമന്ത്രി കള്ളനാക്കി ചിത്രീകരിച്ചപ്പോഴാണ് രണ്ടും കല്‍പ്പിച്ച് ഇറങ്ങിയത്; കേരളം വെള്ളരിക്കാപ്പട്ടണമായി: പി വി അന്‍വര്‍ എംഎല്‍എ
തിരുവനന്തപുരം എസ് എ ടി ആശുപത്രിയിൽ മൂന്ന് മണിക്കൂറിലധികം സമയം വൈദ്യുതി മുടങ്ങി
