Kerala
മാധ്യമപ്രവര്‍ത്തകയെ അപമാനിച്ച കേസ്; സുരേഷ് ഗോപി 15ന് ഹാജരാകും
ഈ മാസം 18-നുമുമ്പ് ചോദ്യംചെയ്യലിന് നേരിട്ട് ഹാജരാകണമെന്നുവശ്യപ്പെട്ട് കോഴിക്കോട് നടക്കാവ് പോലീസാണ് നോട്ടീസയച്ചത്.
കോഴിക്കോട് | മാധ്യമപ്രവര്‍ത്തകയെ അപമാനിച്ചുവെന്ന കേസില്‍ നടനും ബിജെപി നേതാവുമായ സുരേഷ് ഗോപി ഈ മാസം 15ന് പോലീസില്‍ ഹാജരാകും. കോഴിക്കോട് നടക്കാവ് പോലീസ് സ്‌റ്റേഷനിലാകും ചോദ്യം ചെയ്യലിന് അദ്ദേഹം ഹാജരാകുക. കേസില്‍ ഹാജരാകണമെന്നാവശ്യപ്പെട്ട് സുരേഷ് ഗോപിക്ക് പോലീസ് നോട്ടീസ് നല്‍കിയിരുന്നു. ഈ മാസം 18-നുമുമ്പ് ചോദ്യംചെയ്യലിന് നേരിട്ട് ഹാജരാകണമെന്നുവശ്യപ്പെട്ട് കോഴിക്കോട് നടക്കാവ് പോലീസാണ് നോട്ടീസയച്ചത്.
കഴിഞ്ഞ മാസം കോഴിക്കോട് മാധ്യമങ്ങളോട് പ്രതികരിക്കവെയാണ് ചോദ്യങ്ങളുന്നയിച്ച മാധ്യമപ്രവര്‍ത്തക അപമാനിക്കപ്പെട്ടതെന്നാണ് പരാതി. സംഭവത്തില്‍ ഐപിസി 354 എ വകുപ്പുപ്രകാരമാണ് സുരേഷ് ഗോപിക്കെതിരേ പോലീസ് കേസെടുത്തത്. കേസില്‍ പരാതിക്കാരിയുടെ മൊഴി നേരത്തെ രേഖപ്പെടുത്തിയിരുന്നു.കോഴിക്കോട് നഗരത്തിലെ സ്വകാര്യ ഹോട്ടലില്‍വെച്ചായിരുന്നു കേസിനാസ്പദമായ സംഭവം. ഈ ഹോട്ടലില്‍ നേരത്തെ പോലീസെത്തി തെളിവുകള്‍ രേഖരിക്കുകയും സിസിടിവി ദൃശ്യം ഉള്‍പ്പെടെ പരിശോധിക്കുകയും ചെയ്തിരുന്നു
Latest
പ്രവാസത്തിനിടയിലും ഉപ്പ പറന്നെത്തി; ഹംനയെ ചേര്‍ത്തുപിടിക്കാന്‍
പന്നിക്കെണിയില്‍ പുലി കുടുങ്ങി; മയക്കുവെടിവെച്ച് പിടികൂടി
വൈറസില്‍ ആശങ്ക
ശബരിമല തീര്‍ഥാടകര്‍ സഞ്ചരിച്ച കാര്‍ നിയന്ത്രണം വിട്ട് മറിഞ്ഞു; വീടിന്റെ മേല്‍ക്കൂരയില്‍ പതിച്ചു
വീടിനകത്ത് മനുഷ്യന്റെ തലയോട്ടിയും അസ്ഥികൂടത്തിന്റെ ഭാഗങ്ങളും; ദുരൂഹത നീക്കാന്‍ ഫോറന്‍സിക് പരിശോധന
പന്നി ആക്രമണം; വിദ്യാര്‍ഥിക്കും കാല്‍നടയാത്രക്കാരനും പരുക്ക്
