National
കേന്ദ്രം വാക്ക് പാലിച്ചില്ല; കർഷകർ വീണ്ടും സമരത്തിന്; ഫെബ്രുവരി 16 ന് ഭാരത് ബന്ദ്
കര്‍ഷക സംഘടനകള്‍ക്ക് പുറമെ വ്യാപാരികളും ചരക്ക് വാഹനങ്ങളും സമരത്തില്‍ പങ്കെടുക്കുമെന്ന് ഭാരതീയ കിസാന്‍ യൂണിയന്‍ ദേശീയ വക്താവ് രാകേശ് ടികായത്
നോയിഡ | കേന്ദ്ര സർക്കാർ നലകിയ ഉറപ്പുകൾ പാലിച്ചില്ലെന്ന് ആരോപിച്ച് വീണ്ടും സമരത്തിനൊരുങ്ങി കർഷകർ. കര്‍ഷക സംഘടനകള്‍ ഫെബ്രുവരി 16 ന് ഭാരത് ബന്ദ് നടത്തുമെന്ന് ഭാരതീയ കിസാന്‍ യൂണിയന്‍ ദേശീയ വക്താവ് രാകേശ് ടികായത് പറഞ്ഞു. വിളകള്‍ക്ക് എം സ് പി ഉറപ്പ് നല്‍കുന്ന നിയമം നടപ്പിലാക്കാത്തതുള്‍പ്പെടെ രാജ്യത്തെ കര്‍ഷകര്‍ നേരിടുന്ന വിവിധ പ്രശ്‌നങ്ങളില്‍ പ്രതിഷേധിച്ചാണ് സമരം.
കര്‍ഷകര്‍ക്ക് പുറമെ വ്യാപാരികളോടും ചരക്ക് വാഹന ഉടമകളോടും ബന്ദില്‍ സഹകരിക്കാന്‍ അഭ്യര്‍ത്ഥിച്ചതായും ടിക്കായത്ത് പറഞ്ഞു. സംയുക്ത കിസാന്‍ മോര്‍ച്ചയടക്കം എല്ലാ കര്‍ഷക സംഘടനകളും ബന്ദില്‍ സഹകരിക്കും. അന്നേ ദിവസം കര്‍ഷകര്‍ വയലിൽ പോകാതെ സമരം ചെയ്യുമെന്നും ടിക്കായത്ത് പറഞ്ഞു. ഈ സമരം രാജ്യത്തിന് വലിയൊരു സന്ദേശം നല്‍കുമെന്നും അദ്ദേഹം അറിയിച്ചു.
എം എസ് പി ഗ്യാരണ്ടി, തൊഴിലില്ലായ്മ, അഗ്നിവീര്‍ പദ്ധതി, പെന്‍ഷന്‍ പദ്ധതി തുടങ്ങിയവയാണ് സമരത്തിന് പിന്നിലെ പ്രധാന കാരണങ്ങൾ. കര്‍ഷക സംഘടനകള്‍ക്ക് പുറമെ വ്യാപാരികളും ചരക്ക് വാഹനങ്ങളും സമരത്തില്‍ പങ്കെടുക്കുമെന്നും അദ്ദേഹം പറഞ്ഞു. വാഹനാപകടങ്ങളില്‍ പെടുന്ന ഡ്രൈവര്‍മാര്‍ക്കെതിരെയുള്ള പുതിയ കര്‍ശന നിയമങ്ങളില്‍ പ്രതിഷേധിച്ച ചരക്ക് വാഹന പ്രവര്‍ത്തകരും ബന്ദില്‍ പങ്കെടുക്കും.
Latest
സംസ്ഥാന സ്‌കൂള്‍ ശാസ്ത്രോത്സവത്തിന് ഇന്ന് ആലപ്പുഴയില്‍ തുടക്കം
മരുന്നുവില ഇരട്ടിയോളം കൂട്ടി കേന്ദ്രം
ആത്മകഥാ വിവാദം: പാര്‍ട്ടി ആവശ്യപ്പെട്ടില്ലെങ്കിലും വിശദീകരണം നല്‍കാന്‍ ഇ പി
ഗസ്സയില്‍ ഇസ്‌റാഈല്‍ നടത്തുന്നത് വംശഹത്യ തന്നെ; ഐക്യരാഷ്ട്ര സമിതിയുടെ റിപോര്‍ട്ട്
വ്യത്യസ്ത പരിപാടികളോടെ ഇശല്‍ ഓണം 17 ന് അബൂദബിയില്‍
ക്രൂരതയരുത്‌; ആന എഴുന്നള്ളത്തിന് കര്‍ശന വ്യവസ്ഥകള്‍ ഏര്‍പ്പെടുത്തി ഹൈക്കോടതി
