കൊവിഡ് വാക്സിന്‍ മൂലമുണ്ടാകുന്ന മരണങ്ങള്‍ക്ക് ഉത്തരവാദിത്തമില്ലെന്ന് കേന്ദ്രം | Covid Vaccine Deaths

കൊവിഡ് വാക്‌സിനേഷന്‍ എടുത്തതു കൊണ്ടുണ്ടാകുന്ന മരണങ്ങള്‍ക്ക് ഉത്തരവാദിത്തമില്ലെന്ന് കേന്ദ്ര സര്‍ക്കാര്‍ സുപ്രീം കോടതിയില്‍. വാക്‌സിന്‍ സ്വീകരിച്ച ശേഷം മരണം സംഭവിക്കുകയാണെങ്കില്‍ സിവില്‍ കോടതിയില്‍ കേസ് ഫയല്‍ ചെയ്ത് നഷ്ടപരിഹാരം തേടുക മാത്രമാണ് പ്രതിവിധിയെന്നും കേന്ദ്രം വ്യക്തമാക്കി.

കഴിഞ്ഞ വര്‍ഷം കൊവിഡ് വാക്‌സിനേഷന്‍ എടുത്ത് മരിച്ച രണ്ട് യുവതികളുടെ രക്ഷിതാക്കള്‍ നല്‍കിയ ഹരജിയിലാണ് കേന്ദ്രത്തിന്റെ സത്യവാങ്മൂലം. മരണത്തെക്കുറിച്ച് സ്വതന്ത്രമായ അന്വേഷണം വേണമെന്ന് ഹരജിയില്‍ ആവശ്യപ്പെട്ടിട്ടുണ്ട്. പ്രതിരോധ കുത്തിവെപ്പിനെ തുടര്‍ന്നുള്ള പ്രതികൂല ഫലങ്ങള്‍ നേരത്തേ കണ്ടെത്തുന്നതിനും സമയബന്ധിതമായി ചികിത്സിക്കുന്നതിനുമുള്ള പ്രോട്ടോക്കോള്‍ തയ്യാറാക്കാന്‍ വിദഗ്ധ മെഡിക്കല്‍ ബോര്‍ഡ് വേണമെന്നും ഹരജിയില്‍ പറയുന്നുണ്ട്.

വീഡിയോ കാണാം