Kerala
ബസ് ചാര്‍ജ് വര്‍ധനയില്‍ ഇന്ന് തീരുമാനമായേക്കും
ഇടത് മുന്നണി യോഗത്തില്‍ മദ്യ നയവും ചര്‍ച്ചയായേക്കും
തിരുവനന്തപുരം | ബസ് ചാര്‍ജ് വര്‍ധിപ്പിക്കുന്നതില്‍ തീരുമാനം ഇന്നുണ്ടായേക്കും. മിനിമം ചാര്‍ജ് 10 രൂപയും വിദ്യാര്‍ഥികളുടെ നിരക്ക് 3 രൂപയുമാകുമെന്നാണ് സൂചന. നിരക്ക് വര്‍ധന സംബന്ധിച്ചു ഇന്നത്തെ ഇടത് മുന്നണി യോഗത്തില്‍ തീരുമാനമാകുമെന്നാണ് കരുതുന്നത്. സില്‍വര്‍ ലൈന്‍ രാഷ്ട്രീയ വിവാദങ്ങളും ഇടതുമുന്നണി യോഗത്തില്‍ ചര്‍ച്ച ചെയ്തേക്കും.
വിദ്യാര്‍ഥികളുടെ നിരക്ക് 6 രൂപയാക്കണം, മിനിമം നിരക്ക് 12 രൂപയാക്കണം, കിലോമീറ്ററിന് ഒരു രൂപ പത്തു പൈസ വര്‍ധിപ്പിക്കണം തുടങ്ങിയ ആവശ്യമാണ് ബസ് ഉടമകള്‍ മുന്നോട്ട് വെയ്ക്കുന്നത്. നിരക്ക് വര്‍ധന നടപ്പാക്കുമെന്ന സര്‍ക്കാര്‍ ഉറപ്പിലാണ് സ്വകാര്യ ബസ് ഉടമകള്‍ സമരം പിന്‍വലിച്ചത്.
അതേസമയം ഇടത് മുന്നണി യോഗത്തില്‍ മദ്യ നയവും ചര്‍ച്ചയായേക്കും. ഒന്നാം തീയതിയുള്ള അടച്ചിടല്‍ ഒഴിവാക്കുക, രണ്ട് മദ്യശാലകള്‍ തമ്മിലുള്ള ദൂരപരിധി കുറയ്ക്കുക എന്നിവയാകും പ്രധാനമായും ചര്‍ച്ചയാകുക. ഐടി മേഖലയില്‍ പബ് അനുവദിക്കുക, പഴവര്‍ഗ്ഗങ്ങളില്‍ നിന്നുള്ള വൈന്‍ ഉത്പാദനം തുടങ്ങിയ മാറ്റങ്ങള്‍ക്കും പുതിയ മദ്യനയത്തില്‍ ഊന്നല്‍ നല്‍കുന്നത്
Latest
അസര്‍ബെയ്ജാന്‍ വിമാനം തകര്‍ന്നത് റഷ്യന്‍ ആക്രമണത്തിലെന്ന് റിപ്പോര്‍ട്ട്
അങ്കമാലിയില്‍ ലോറിയും ട്രാവലറും കൂട്ടിയിടിച്ച് ഒരു മരണം; ഒരാള്‍ക്ക് ഗുരുതര പരുക്ക്
തിരൂര്‍ മംഗലത്ത് എസ്ഡിപിഐ പ്രവര്‍ത്തകന് വെട്ടേറ്റു
അച്ചടക്ക ലംഘനത്തിന് ചാര്‍ജ് മെമ്മോ; ചീഫ് സെക്രട്ടറിയോട് വിശദീകരണം ചോദിച്ച് എന്‍ പ്രശാന്ത് ഐഎഎസ്
ചോദ്യ പേപ്പര്‍ ചോര്‍ച്ച കേസ്; ഷുഹൈബിനായി അന്വേഷണം ഊര്‍ജിതമാക്കി
രാജ്യത്ത് ഏഴ് ദിവസത്തെ ദു:ഖാചരണം; മന്‍മോഹന്‍ സിങിന്റെ സംസ്‌കാരം നാളെ
