Kerala
വിദ്യാഭ്യാസ മേഖലയെയും കാവിവത്കരിക്കാന്‍ ശ്രമിക്കുന്നു; ഗവര്‍ണര്‍ക്കെതിരെ എം വി ഗോവിന്ദന്‍
ആരോഗ്യ സര്‍വകലാശാലയിലെ വി സി നിയമനം നിയമവിരുദ്ധം.
തൃശൂര്‍ | ഗവര്‍ണര്‍ ആരിഫ് മുഹമ്മദ് ഖാനെതിരെ സി പി എം സംസ്ഥാന സെക്രട്ടറി എം വി ഗോവിന്ദന്‍. കാവിവത്കരണത്തിന്റെ ഭാഗമായി വിവിധ സര്‍വകലാശാലകളില്‍ ഗവര്‍ണര്‍ നിയമനം നടത്തുകയാണെന്ന് ഗോവിന്ദന്‍ ആരോപിച്ചു. ആരോഗ്യ സര്‍വകലാശാലയിലെ വി സി നിയമനം നിയമവിരുദ്ധമാണെന്ന് ഗോവിന്ദന്‍ പറഞ്ഞു.
വിദ്യാഭ്യാസ മേഖലയിലും കാവിവത്ക്കരണം നടപ്പിലാക്കാനാണ് ഗവര്‍ണര്‍ ശ്രമിക്കുന്നത്. കോടതി വിധി പോലും കാറ്റില്‍ പറത്തി ആര്‍ എസ് എസിന് ഇഷ്ടമുള്ളവരെ മാത്രം സര്‍വകലാശാലയില്‍ നിയമിക്കുകയാണ്. ആരോഗ്യ സര്‍വകലാശാലയിലെ വൈസ് ചാന്‍സലറായി കുന്നുമ്മല്‍ മോഹനനെ വീണ്ടും നിയമിക്കുന്നത് നിയമവിരുദ്ധവും ജനാധിപത്യ വിരുദ്ധവുമാണ്.
ഗോപിനാഥ് രവീന്ദ്രനെ കണ്ണൂര്‍ വി സിയായി വീണ്ടും നിയമിച്ചപ്പോള്‍ എന്തെല്ലാം ബഹളമായിരുന്നു. എന്നാല്‍ ഇപ്പോള്‍ ഒരു ചര്‍ച്ചയും ഒരു പ്രയാസവുമില്ല. തോമസ് കെ തോമസ് വിഷയം സെക്രട്ടേറിയറ്റില്‍ ചര്‍ച്ച ചെയ്തിട്ടില്ലെന്നും പാര്‍ട്ടി ഇതൊന്നും അറിഞ്ഞിട്ടില്ലെന്നും ഗോവിന്ദന്‍ കൂട്ടിച്ചേര്‍ത്തു.
Latest
സംയോജിത നഗരാസൂത്രണം: മദീന ഗേറ്റ് പദ്ധതിയുടെ ആദ്യഘട്ടം ഉദ്ഘാടനം ചെയ്തു
സഊദി-ഈജിപ്ത് വിദേശകാര്യ മന്ത്രിമാര്‍ ആശയവിനിമയം നടത്തി; സിറിയ, ഗസ്സ സ്ഥിതിഗതികള്‍ ചര്‍ച്ചയായി
മുഹമ്മദ് ബിന്‍ അബ്ദുല്‍ അസീസ് ബിന്‍ സാലിഹ് ഉക്രൈനിലെ പുതിയ സഊദി സ്ഥാനപതി
മുറിഞ്ഞകല്ലില്‍ അപകടങ്ങള്‍ തുടര്‍ക്കഥയാകുന്നു; ഇന്ന് രണ്ട് സംഭവങ്ങളിലായി എട്ടുപേര്‍ക്ക് പരുക്കേറ്റു
ആരിഫ് മുഹമ്മദ് ഖാന്‍ ബിഹാര്‍ ഗവര്‍ണറാകും; കേരളത്തിന് രാജേന്ദ്ര അര്‍ലേക്കര്‍
മെഗാ മെഡിക്കല്‍ ക്യാമ്പ് സംഘടിപ്പിച്ചു
