National
യു പി, ഗുജറാത്ത് ഉള്‍പ്പെടെ ആറ് സംസ്ഥാനങ്ങളിലെ സെക്രട്ടറിമാരെ നീക്കണമെന്ന് തിരഞ്ഞെടുപ്പ് കമ്മിഷന്‍
പശ്ചിമബംഗാളിലെ ഡിജിപിയെ നീക്കാനും കമ്മീഷന്‍ നിര്‍ദ്ദേശം നല്‍കി
ന്യൂഡല്‍ഹി | വരാനിരിക്കുന്ന ലോക്സഭാ തിരഞ്ഞെടുപ്പിന് മുന്നോടിയായി ആറ് സംസ്ഥാനങ്ങളിലെ ആഭ്യന്തര വകുപ്പ് സെക്രട്ടറിമാരെ മാറ്റാന്‍ തിരഞ്ഞെടുപ്പ് കമ്മീഷന്‍ നിര്‍ദേശം നല്‍കി. ബിജെപി ഭരിക്കുന്ന സംസ്ഥാനങ്ങളായ ഉത്തര്‍പ്രദേശ്, ഗുജറാത്ത്, ബിഹാര്‍, ഉത്തരാഖണ്ഡ്, എന്നിവയ്ക്ക് പുറമെ ഹിമാചല്‍പ്രദേശ്, ജാര്‍ഖണ്ഡ്, സംസ്ഥാനങ്ങളിലെയും സെക്രട്ടറിമാരെ മാറ്റാനാണ് നിര്‍ദേശം. പെരുമാറ്റച്ചട്ടം നിലവില്‍ വന്ന ശേഷം ഇതാദ്യമായാണ് ഇത്തരമൊരു സ്ഥലമാറ്റം എന്നത് ശ്രദ്ധേയമാണ്.തിരഞ്ഞെടുപ്പ് സ്വതന്ത്രവും സുതാര്യവുമായി പൂര്‍ത്തീകരിക്കാനുള്ള നടപടികളുടെ ഭാഗമായാണ് നീക്കം.
സെക്രട്ടറിമാര്‍ക്ക് പുറമെ പശ്ചിമബംഗാളിലെ ഡിജിപിയെ നീക്കാനും കമ്മീഷന്‍ നിര്‍ദ്ദേശം നല്‍കി. ഹിമാചല്‍പ്രദേശിലെയും മിസോറാമിലെയും ജനറല്‍ അഡ്മിനിസ്‌ട്രേറ്റീവ് വകുപ്പ് സെക്രട്ടറിമാരെയും നീക്കി. മിസോറാം, ഹിമാചല്‍പ്രദേശ് സംസ്ഥാനങ്ങളില്‍ മുഖ്യമന്ത്രിമാരുടെ ഓഫീസിന്റെ ചുമതലയുള്ള സെക്രട്ടറിമാരെയാണ് മാറ്റിയത്. മഹാരാഷ്ട്ര ബിഎംസിയിലെ മുന്‍സിപ്പല്‍ കമ്മീഷണര്‍ ഇഖ്ബാല്‍ സിങ് ചാഹലിനെയും അഡീഷണല്‍ കമ്മീഷര്‍മാരെയും ഡെപ്യൂട്ടി കമ്മീഷണര്‍മാരെയും നീക്കി.
തിരഞ്ഞെടുപ്പുമായി ബന്ധപ്പെട്ട ജോലികളില്‍ മൂന്ന് വര്‍ഷം പൂര്‍ത്തിയാക്കുകയോ സ്വന്തം ജില്ലയില്‍ ഉള്ളവരോ ആയ ഉദ്യോഗസ്ഥരെ സ്ഥലം മാറ്റാനും കമ്മിഷന്‍ എല്ലാ സംസ്ഥാന സര്‍ക്കാരുകളോടും നിര്‍ദ്ദേശിച്ചിട്ടുണ്ട്
Latest
തിരുവനന്തപുരത്ത് യുവാവിനെ കുത്തിക്കൊന്നു
നഴ്സിങ് വിദ്യാര്ഥിനി ഹോസ്റ്റലിലെ ശുചിമുറിയില് മരിച്ച നിലയില്
യുവതിയെ പെട്രോള് ഒഴിച്ച് കത്തിക്കാന് ശ്രമം; ഭര്ത്താവ് അറസ്റ്റില്
കാന്തപുരം ഉസ്താദിന്റെ ബുഖാരി വ്യാഖ്യാനം പ്രകാശനം ചെയ്തു
ഒരു ആശുപത്രിക്ക് കൂടി എന് ക്യു എ എസ് അംഗീകാരം
ആന്റിബയോട്ടിക് മരുന്നുകളുടെ ദുരുപയോഗം തടയുക; നീല വസ്ത്രം ധരിച്ച് ഐക്യദാര്ഢ്യം ഇന്ന്
