Kerala
തിരഞ്ഞെടുപ്പ് ഫലം സംസ്ഥാന സര്‍ക്കാരിന്റെ വിലയിരുത്തലല്ല, എന്തെങ്കിലും തരത്തിലുള്ള പിശക് ഉണ്ടെങ്കില്‍ അത് തിരുത്തും; ഇപി ജയരാജന്‍
ഈ തിരഞ്ഞെടുപ്പ് ദേശീയ രാഷ്ട്രീയത്തെ അടിസ്ഥാനമാക്കിയുള്ളതാണ്. ഇടതുപക്ഷത്തിന്റെ ശക്തി കേന്ദ്രങ്ങളില്‍ വോട്ട് കുറഞ്ഞത് അടിത്തറയെ ബാധിക്കുന്ന വിഷയമല്ല.
തിരുവനന്തപുരം | ലോക്‌സഭ തിരഞ്ഞെടുപ്പ് ഫലം സംസ്ഥാന സര്‍ക്കാരിന്റെ വിലയിരുത്തലല്ലെന്ന് എല്‍ഡിഎഫ് കണ്‍വീനര്‍ ഇ പി ജയരാജന്‍. പരാജയം താല്‍ക്കാലിക പ്രതിഭാസം മാത്രമാണെന്നും എന്തെങ്കിലും തരത്തിലുള്ള പിശക് പറ്റിയിട്ടുണ്ടെങ്കില്‍ പരിശോധനയും തിരുത്തലും സ്വാഭാവികമായും ഉണ്ടാകുമെന്നും അദ്ദേഹം പറഞ്ഞു.
ഈ തിരഞ്ഞെടുപ്പ് ദേശീയ രാഷ്ട്രീയത്തെ അടിസ്ഥാനമാക്കിയുള്ളതാണ്. ഇടതുപക്ഷത്തിന്റെ ശക്തി കേന്ദ്രങ്ങളില്‍ വോട്ട് കുറഞ്ഞത് അടിത്തറയെ ബാധിക്കുന്ന വിഷയമല്ലെന്നും അദ്ദേഹം പറഞ്ഞു.
കേരളത്തിലെ ജനങ്ങള്‍ ബിജെപിയെയും ആര്‍എസ്എസിനെയും ശക്തമായി എതിര്‍ക്കുന്നുണ്ട്. തിരഞ്ഞെടുപ്പില്‍ പ്രത്യേക സാഹചര്യം രൂപപ്പെട്ടതാണ്. തൃശൂരില്‍ കോണ്‍ഗ്രസിന്റെ വോട്ട് ബിജെപിയിലേക്ക് പോയി.അതേസമയം ചില മണ്ഡലങ്ങളില്‍ ബിജെപിക്ക് വോട്ട് കൂടിയത് പരിശോധിക്കുമെന്നും ജയരാജന്‍ പറഞ്ഞു.
ജാവദേക്കറുമായുള്ള കൂടിക്കാഴ്ച വിവാദം തിരഞ്ഞെടുപ്പിനെ സ്വാധീനിച്ചോ എന്ന മാധ്യമപ്രവര്‍ത്തകുടെ ചോദ്യത്തിന് ഒരു തരത്തിലും പ്രസക്തമല്ലാത്ത ചോദ്യമാണിതെന്നും തനിക്കെതിരെ ചില മാധ്യമങ്ങള്‍ കള്ളപ്രചാരണം നടത്തുകയാണെന്നുമാണ് ഇപി പ്രതികരിച്ചത്.
Latest
മുനമ്പം: വഖ്ഫ് സംരക്ഷണ സമിതി ഭാരവാഹികള്‍ ഡോ. അസ്ഹരിയെ സന്ദര്‍ശിച്ച് ചര്‍ച്ച നടത്തി
മുനമ്പം സാമുദായിക വിഷയമല്ല; സ്വത്തു തര്‍ക്കം മാത്രം: ഡോ. അസ്ഹരി
മാനവ സഞ്ചാരം: ഐക്യത്തിന്റെ സന്ദേശം ആവോളം; വാണിജ്യ നഗരത്തില്‍ ഉജ്ജ്വല വരവേല്‍പ്പ്
ആദിവാസികളുടെ കുടിലുകള്‍ വനംവകുപ്പ് ഉദ്യോഗസ്ഥര്‍ പൊളിച്ചു നീക്കി; റിപ്പോര്‍ട്ട് ആവശ്യപ്പെട്ട് മന്ത്രി
രാജിക്കൊരുങ്ങി പാലക്കാട്ടെ ബി ജെ പി കൗണ്‍സിലര്‍മാര്‍; വരവേല്‍ക്കാന്‍ ഒരുങ്ങി കോണ്‍ഗ്രസ്
ഇ പി ജയരാജന്റെ ആത്മകഥ; പബ്ലിക്കേഷന്‍സ് മേധാവിയെ സസ്‌പെന്റ് ചെയ്തത് ഡി സി ബുക്‌സ്
