കോഴിക്കോട് പേരാമ്പ്രയില്‍ കാടിറങ്ങിയ ആന തിരിച്ചുകയറി

കോഴിക്കോട് | പേരാമ്പ്രയില്‍ ഭീതിവിതച്ച് നഗരത്തിലിറങ്ങിയ കാട്ടാന കാട്ടിലേക്ക് തിരിച്ചുകയറി. ഇന്ന് പുലര്‍ച്ചെയാണ് മോഴയാന എത്തിയത്. ടൗണിനോട് ചേര്‍ന്ന ഭാഗത്താണ് ആന ഇറങ്ങിയത്. പുലർച്ചെ 5 മണിയോടെ പ്രഭാതസവാരിക്ക് പോയവരാണ് ആനയെ കണ്ടത്.

ഏറെ നേരം പരിഭ്രാന്തി പരത്തി ജനവാസ മേഖലയില്‍ തുടർന്ന ആന ഉച്ചകഴിഞ്ഞാണ് കാട്ടിലേക്ക് തിരിച്ചുകയറിയത്. വനംവകുപ്പും നാട്ടുകാരും ചേര്‍ന്ന് ആനയെ തുരത്താൻ തീവ്രശ്രമം നടത്തിയിരുന്നു. വയനാട്ടില്‍ നിന്ന് എലിഫന്‍്‌റ് സ്‌ക്വാഡും എത്തി.

പ്രദേശവാസികള്‍ പുറത്തിറങ്ങരുതെന്ന് വനംവകുപ്പ് നിര്‍ദേശിച്ചിരുന്നു.