പി ജി ഡോക്ടര്‍മാര്‍ക്ക് ഒരുറപ്പും നല്‍കിയിട്ടില്ലെന്ന് സര്‍ക്കാര്‍

തിരുവനന്തപുരം | പി ജി ഡോക്ടര്‍മാരുടെ സമരം അവസാനിപ്പിക്കുന്നതിന് മുഖ്യമന്ത്രി ഏതെങ്കിലും വിധത്തിലുള്ള ഉറപ്പുകള്‍ നല്‍കിയതായി പ്രചരിക്കുന്ന വാര്‍ത്തകള്‍ തെറ്റാണെന്ന് മുഖ്യമന്ത്രിയുടെ ഓഫീസ് അറിയിച്ചു. സമരക്കാര്‍ക്ക് ഒരുറപ്പും നല്‍കിയിട്ടില്ലെന്ന് സര്‍ക്കാര്‍ വ്യക്തമാക്കി. നിവേദനം നല്‍കാനാണ് സംഘടനാ പ്രതിനിധികള്‍ വന്നത്. ആരോഗ്യ മന്ത്രിയുമായി ചര്‍ച്ച ചെയ്യാന്‍ അവരോട് നിര്‍ദേശിക്കുകയായിരുന്നുവെന്നും സര്‍ക്കാര്‍ വാര്‍ത്താക്കുറിപ്പില്‍ പറഞ്ഞു.

മുഖ്യമന്ത്രിയുടെ ഓഫീസില്‍ നിന്നും ലഭിച്ച ഉറപ്പുകളുടെ അടിസ്ഥാനത്തില്‍ സമരം അവസാനിപ്പിക്കുന്നതായി പി ജി ഡോക്ടര്‍മാര്‍ വ്യക്തമാക്കിയിരുന്നു. എന്നാല്‍ സമരക്കാര്‍ക്ക് ഒരുറുപ്പം നല്‍കിയിട്ടില്ലെന്നാണ് സര്‍ക്കാര്‍ പറയുന്നത്.