Kerala
അന്വേഷണ റിപോര്‍ട്ട് അതിജീവിതക്ക് നല്‍കണമെന്ന് ഹൈക്കോടതി; നടിയെ ആക്രമിച്ച കേസില്‍ ദിലീപിന് തിരിച്ചടി
പകര്‍പ്പ് തനിക്ക് നല്‍കണമെന്ന ദിലീപിന്റെ ആവശ്യവും കോടതി തള്ളി.
കൊച്ചി | നടിയെ ആക്രമിച്ച കേസില്‍ നടന്‍ ദിലീപിന് ഹൈക്കോടതിയില്‍ തിരിച്ചടി. അതിജീവിതക്ക് അന്വേഷണ റിപോര്‍ട്ട് നല്‍കാന്‍ കോടതി നിര്‍ദേശിച്ചു. വിചാരണക്കോടതിക്കാണ് ഹൈക്കോടതി നിര്‍ദേശം നല്‍കിയത്.
മെമ്മറി കാര്‍ഡിലെ ഹാഷ് വാല്യു മാറിയ സംഭവത്തില്‍ വിചാരണക്കോടതിയുടെ അന്വേഷണ റിപ്പോര്‍ട്ടിന്റെ പകര്‍പ്പാണ് അതിജീവിതക്ക് കൈമാറുക. പകര്‍പ്പ് അതിജീവിതക്ക് നല്‍കരുതെന്ന ദിലീപിന്റെ ആവശ്യം കോടതി അംഗീകരിച്ചില്ല. പകര്‍പ്പ് തനിക്ക് നല്‍കണമെന്ന ദിലീപിന്റെ ആവശ്യവും കോടതി തള്ളി.
നേരത്തെ വിചാരണക്കോടതി ഈ ആവശ്യം നിരസിച്ചതിനെ തുടര്‍ന്നാണ് അതിജീവിത ഹൈക്കോടതിയെ സമീപിച്ചിരുന്നത്. പരാതിക്കാരിക്ക് റിപ്പോര്‍ട്ട് കിട്ടാന്‍ അവകാശമുണ്ടെന്ന് ഹൈക്കോടതി ചൂണ്ടിക്കാട്ടി.
ജസ്റ്റിസ് കെ ബാബു അധ്യക്ഷനായ സിംഗിള്‍ ബഞ്ചാണ് ഹരജി പരിഗണിച്ചത്.
Latest
അങ്കണ്‍വാടിയിലെ ഭക്ഷ്യവിഷബാധ; റിപോര്‍ട്ട് തേടി ഹൈക്കോടതി
കാസര്‍കോട് അബ്ദുല്‍ സലാം വധക്കേസ്; ആറ് പ്രതികള്‍ക്കും ജീവപര്യന്തം തടവും പിഴയും
മുഖ്യമന്ത്രിയുടെ വാഹനവ്യൂഹം വീണ്ടും അപകടത്തില്‍പ്പെട്ടു
ഇരുകൈകളും ബന്ധിച്ച് വേമ്പനാട്ടുകായല്‍ നീന്തിക്കടക്കാന്‍ ഒരുങ്ങി നാലാം ക്ലാസ്സുകാരി
പഞ്ചര്‍ ഒട്ടിക്കുന്നതിനിടെ ടയര്‍ പൊട്ടിത്തെറിച്ച് യുവാവിന് ഗുരുതര പരുക്ക്
വണ്ടിപ്പെരിയാര്‍ പോക്‌സോ കേസ്; പ്രതി കട്ടപ്പന കോടതിയില്‍ ഹാജരായി
