ഐ സി എഫ് ഇടപെടൽ ഫലം കണ്ടു; ഒടുവിൽ മുഹമ്മദ് കുട്ടി നാടണഞ്ഞു

അബഹ | സ്‌പോൺസർ ഹുറൂബാക്കിയതിനെ തുടർന്ന് നാട്ടിൽ പോകാനാകാതെ വലഞ്ഞ ഓമാനൂർ സ്വദേശി ഐ സി എഫ് ഇടപെടലിലൂടെ ഒടുവിൽ നാടണഞ്ഞു. മൂന്ന് വർഷത്തെ ജോലിക്ക് ശേഷം സ്‌പോൺസർ കൈവെടിഞ്ഞതിനെ തുടർന്നാണ് മലപ്പുറം ഓമാനൂർ സ്വദേശി മങ്ങാട്ട് പറമ്പൻ മുഹമ്മദ് കുട്ടിക്ക്  ജോലിക്കോ നാട്ടിലോ പോകാൻ കഴിയാതെ കുടുങ്ങിയത്.

സാമൂഹിക പ്രവർത്തകനും ഐ സി എഫ് അബഹ സെൻട്രൽ പ്രസിഡന്റുമായ സൈനുദ്ദീൻ അമാനി, ഐ സി എഫ് സൗത്ത് പ്രൊവിൻസ് സംഘടനാ പ്രസിഡൻ്  സിറാജുദ്ദീൻ സഖാഫി കൊല്ലം തുടങ്ങിയവരുടെ ഇടപെടലിലൂടെയാണ്  രേഖകൾ ശരിയായത്. ഇതോടെ, മുഹമ്മദ് കുട്ടി നാട്ടിലേക്ക് നാട്ടിലേക്ക് മടങ്ങി.

സൈനുദ്ദീൻ അമാനി, അബ്ദുർറഹ്മാൻ പുത്തൂർ, സലീം മൂത്തേടം തുടങ്ങിയവർ മുഹമ്മദ് കുട്ടിയെ  എയർപോർട്ടിൽ യാത്രയാക്കി.