കൊട്ടിയത്ത് യുവാവിനെ പൊള്ളലേറ്റ നിലയില്‍ കണ്ടെത്തിയ സംഭവം വധശ്രമമെന്ന് മൊഴി

 കൊല്ലം |  കൊട്ടിയം മൈലാപ്പൂരില്‍ യുവാവിന് പൊള്ളലേറ്റ കണ്ടെത്തിയ സംഭവം വധശ്രമെന്ന്   മൊഴി. പൊള്ളലേറ്റ റിയാസാണ് തന്നെ സുഹൃത്തുക്കള്‍ ചേര്‍ന്ന് കൊലപ്പെടുത്താന്‍ ശ്രമിച്ചതാണെന്നു മൊഴി നല്‍കിയിരിക്കുന്നത്. ഷഫീക്ക്, സുഹൈല്‍ എന്നിവര്‍ ചേര്‍ന്ന് പെട്രോള്‍ ഒഴിച്ച് കത്തിച്ചതാണെന്ന് റിയാസ് പോലീസിനോട് പറഞ്ഞു.

കടം വാങ്ങിയ പണം തിരികെ നല്‍കാത്തതിലുള്ള വൈരാഗ്യമാണ് ഇതിന് കാരണമെന്നും യുവാവ് പോലീസിനോട് പറഞ്ഞു. സംഭവ സമയത്തെ സിസിടിവി ദൃശ്യം പൊലീസിന് ലഭിച്ചു. ഇന്നലെ രാത്രിയാണ് ഉമയനല്ലൂര്‍ സ്വദേശി റിയാസിന് ഓട്ടോറിക്ഷക്ക് ഉള്ളില്‍ പൊള്ളലേറ്റ നിലയില്‍ കണ്ടെത്തിയത്.