Kerala
യുവാവിനെ വിളിച്ചുവരുത്തി കുത്തിപ്പരുക്കേല്‍പ്പിച്ച സംഭവം; സുഹൃത്തായ യുവതി അറസ്റ്റില്‍
പത്തനംതിട്ട മലയാലപ്പുഴ ഏറം സ്വദേശി സ്‌നേഹ അനിലിനെ (ലച്ചു-23) യാണ് പോലീസ് അറസ്റ്റ് ചെയ്തത്.
തിരുവനന്തപുരം | പോലീസിന്റെ റൗഡി ലിസ്റ്റിലുള്ള യുവാവിനെ കുത്തിപ്പരുക്കേല്‍പ്പിച്ച കേസില്‍ സുഹൃത്തായ യുവതി അറസ്റ്റില്‍. പത്തനംതിട്ട മലയാലപ്പുഴ ഏറം സ്വദേശി സ്‌നേഹ അനിലിനെ (ലച്ചു-23) യാണ് മ്യൂസിയം പോലീസ് അറസ്റ്റ് ചെയ്തത്. വെമ്പായം തേക്കട സ്വദേശി ഷിജിത്തിനെ (25) കുത്തിപ്പരുക്കേല്‍പ്പിച്ച സംഭവവുമായി ബന്ധപ്പെട്ടാണ് അറസ്റ്റ്.
ഷിജിത്തിനെ സ്‌നേഹ മാനവീയം വീഥിക്കു സമീപത്തേക്ക് വിളിച്ചു വരുത്തുകയായിരുന്നു. തുടര്‍ന്ന് ഇരുവരുടെയും സുഹൃത്തുക്കളായ ചിലര്‍ ചേര്‍ന്ന് ഷിജിത്തിനെ ആക്രമിക്കുകയും കുത്തിപ്പരുക്കേല്‍പ്പിക്കുകയും ചെയ്തു. പിന്നീട് ഷിജിത്തിനെ കാറില്‍ കയറ്റി മെഡിക്കല്‍ കോളജ് ആശുപത്രിയില്‍ എത്തിച്ച ശേഷം പ്രതികള്‍ക്കൊപ്പം സ്‌നേഹ ട്രെയിന്‍ മാര്‍ഗം മുങ്ങുകയായിരുന്നു.
ഏറത്തെ വീട്ടില്‍ നിന്ന് ഇന്നലെ രാവിലെയാണ് സ്‌നേഹയെ പിടികൂടിയത്. കേസില്‍ അഞ്ചാം പ്രതിയാണ് സ്‌നേഹ. വെമ്പായം സ്വദേശി ഷിയാസ്, ഷിയാസിന്റെ ബന്ധു സുഹൈല്‍, രഞ്ജിത്ത്, അര്‍ഫാജ് എന്നിവരാണ് മറ്റു പ്രതികള്‍.
Latest
മല്ലപ്പളളി പ്രസംഗം; സജി ചെറിയാനെതിരായ കോടതിവിധിയിൽ നിയമവശം പരിശോധിച്ച ശേഷം നടപടി: എം വി ഗോവിന്ദന്‍
ഖുര്‍ആന്‍ കയ്യെഴുത്തു പ്രതികളുടെ പ്രദര്‍ശനം ആരംഭിച്ചു
അദാനിയെ അറസ്റ്റ് ചെയ്യണം; അഴിമതികളിൽ ജെപിസി അന്വേഷണം വേണം: രാഹുല്‍ഗാന്ധി
ഗസ്സയിലും ലബനാനിലും ഉടന്‍ വെടിനിര്‍ത്തല്‍ വേണമെന്ന് യു എ ഇയും ജോര്‍ദാനും
യു എ ഇ പ്രവാസി സാഹിത്യോത്സവ് നവംബര്‍ 24 ന് അബൂദബി നാഷണല്‍ തിയേറ്ററില്‍
കേന്ദ്ര സഹായത്തിനായി കേരളം ഒറ്റക്കെട്ടായി കേന്ദ്രസര്‍ക്കാറില്‍ സമ്മര്‍ദ്ദം ചെലുത്തണം: മുഖ്യമന്ത്രി
