ഇന്‍ഫിനിക്സ് ഹോട്ട് 11എസ്, നോട്ട് 11എസ് എന്നിവ വിലക്കിഴിവില്‍ സ്വന്തമാക്കാം

ന്യൂഡല്‍ഹി| ഫ്‌ളിപ്പ്കാര്‍ട്ട് റിപ്പബ്ലിക് ദിന വില്‍പനയില്‍ സ്മാര്‍ട്ട്‌ഫോണ്‍ ഉള്‍പ്പെടെ നിരവധി ഉല്‍പ്പന്നങ്ങള്‍ക്ക് ഡിസ്‌ക്കൗണ്ടുകള്‍ പ്രഖ്യാപിച്ചു. സ്മാര്‍ട്ട്‌ഫോണ്‍ വാങ്ങാന്‍ ആഗ്രഹിക്കുന്നവര്‍ക്ക് ഈ ഓഫര്‍ ഉപയോഗപ്പെടുത്താവുന്നതാണ്. വില്‍പന ജനുവരി 17 മുതല്‍ 22 വരെയാണ് ഉണ്ടാകുക. എന്നാല്‍ ഫ്ളിപ്കാര്‍ട്ട് പ്ലസ് അംഗങ്ങള്‍ക്ക് ജനുവരി 16 മുതല്‍ കിഴിവുകളിലേക്ക് ആക്സസ് ലഭിക്കും.

ഫ്ളിപ്കാര്‍ട്ട് റിപ്പബ്ലിക് ദിന വില്‍പ്പന സമയത്ത് ഇന്‍ഫിനിക്സ് ഹോട്ട് 11എസ് 4ജിബി റാം, 64ജിബി സ്റ്റോറേജ് വേരിയന്റ് 9,999 രൂപയ്ക്ക് ലഭിക്കും. അതിന്റെ യഥാര്‍ത്ഥ വിലയായ 10,999നേക്കാള്‍ ആയിരം രൂപ കുറവില്‍ സ്വന്തമാക്കാം. 4 ജിബി റാം 128 ജിബി ഇന്റേണല്‍ സ്റ്റോറേജ് പതിപ്പ് 10,999 രൂപയ്ക്ക് ലഭിക്കും. അതിന്റെ യഥാര്‍ത്ഥ വില 11,999 രൂപയാണ്.

മീഡിയടെക്ക് ഹീലിയോ ജി88 പ്രൊസസറാണ് ഇന്‍ഫിനിക്‌സ് ഹോട്ട് 11 എസ് ഉപയോഗിക്കുന്നത്. 4 ജിബി എല്‍പിഡിഡിആര്‍ 4 റാമും 64 ജിബി സ്റ്റോറേജുമുള്ള ഒറ്റ കോണ്‍ഫിഗറേഷനില്‍ സ്മാര്‍ട്ട്‌ഫോണ്‍ ലഭ്യമാണ്. സിം ട്രേയിലെ ഒരു പ്രത്യേക മൈക്രോ എസ്ഡി കാര്‍ഡ് സ്ലോട്ട് കാരണം ഇന്റേണല്‍ സ്റ്റോറേജ് 256 ജിബി വരെ വികസിപ്പിക്കാവുന്നതാണ്. 5,000 എംഎഎച്ച് ബാറ്ററിയാണ് സ്മാര്‍ട്ട്‌ഫോണിന് കരുത്ത് പകരുന്നത്. ആന്‍ഡ്രോയിഡ് 11 അടിസ്ഥാനമാക്കിയുള്ള ഇന്‍ഫിനിക്സ് എക്സ്ഒഎസ് 7.6 ആണ് ഇതില്‍ പ്രവര്‍ത്തിക്കുന്നത്.

ഫ്ളിപ്കാര്‍ട്ട് റിപ്പബ്ലിക് ദിന വില്‍പ്പന സമയത്ത് ഇന്‍ഫിനിക്‌സ് നോട്ട് 11എസ് 12,999 രൂപയ്ക്ക് ലഭിക്കും. അതിന്റെ യഥാര്‍ത്ഥ വില 13,999 രൂപയാണ്. 8 ജിബി റാം 128 ജിബി ഇന്റേണല്‍ സ്റ്റോറേജ് പതിപ്പ് 14,999 രൂപയ്ക്ക് ലഭിക്കും. അതിന്റെ യഥാര്‍ത്ഥ വില 15,999യാണ്. ആയിരം രൂപ കുറവില്‍ സ്മാര്‍ട്ട്‌ഫോണ്‍ സ്വന്തമാക്കാവുന്നതാണ്.

6.95-ഇഞ്ച് പഞ്ച്-ഹോള്‍ എഫ്എച്ച്ഡി+ ഡിസ്‌പ്ലേയോടെയാണ് ഈ ഫോണ്‍ വരുന്നത്. സ്മാര്‍ട്ട്‌ഫോണ്‍ സെഗ്മെന്റില്‍ 120 ഹെര്‍ട്സ് റിഫ്രഷ് റേറ്റ് ഉള്ള രണ്ടാമത്തെ ഉപകരണമാണിത്. 6 ജിബി വരെ റാമും 128 ജിബി ഓണ്‍ബോര്‍ഡ് സ്റ്റോറേജും ജോടിയാക്കിയ മീഡിയാടെക്ക് ഹീലിയോ ജി96 പ്രോസസറാണ് ഇത് നല്‍കുന്നത്. 50 മെഗാപിക്സല്‍ എഐ ട്രിപ്പിള്‍ റിയര്‍ കാമറയും ക്വാഡ് എല്‍ഇഡി ഫ്ളാഷും ഫോണിനുണ്ട്.