തണ്ണിമത്തനുമായി പോയ ലോറി തലകീഴായി മറിഞ്ഞ് ഡ്രൈവര്‍ മരിച്ചു

ആലപ്പുഴ|ചന്തിരൂരില്‍ തണ്ണിമത്തനുമായി പോയ ലോറി മറിഞ്ഞ് ഡ്രൈവര്‍ മരിച്ചു. പുലര്‍ച്ചെ രണ്ടു മണിയോടെ ചന്തിരൂര്‍ ഗവ. ഹൈസ്‌കൂളിന് മുന്നിലാണ് അപകടമുണ്ടായത്. പട്ടാമ്പി സ്വദേശി ഇസ്മയില്‍ ആണ് അപകടത്തില്‍ മരിച്ചത്.

പാലക്കാട് നിന്ന് കൊല്ലത്തേക്ക് തണ്ണിമത്തനുമായി പോകുകയായിരുന്നു ലോറി ചന്തിരൂരില്‍വച്ച് തലകീഴായി മറിയുകയായിരുന്നു. ഡ്രൈവര്‍ സംഭവ സ്ഥലത്ത് വച്ചുതന്നെ മരിച്ചു. സംഭവസ്ഥലത്ത് നാട്ടുകാരെത്തി രക്ഷാപ്രവര്‍ത്തനം നടത്തിയെങ്കിലും ഇസ്മയിലിനെ രക്ഷിക്കാനായില്ല. അപകട കാരണം വ്യക്തമല്ല. മൃതദേഹം ആശുപത്രിയിലേക്ക് മാറ്റി. പോസ്റ്റ്‌മോര്‍ട്ടത്തിനുശേഷം വീട്ടുകാര്‍ക്ക് വിട്ടുനല്‍കും.