Kerala
കേരളത്തില് ഇടതുപക്ഷത്തിന് ഉണ്ടായ തകര്ച്ചയുടെ പ്രധാന കാരണം അതിശക്തമായ ഭരണവിരുദ്ധ വികാരം; കൂറിലോസ്
കിറ്റ് രാഷ്ട്രീയത്തില് ഒന്നിലധികം പ്രാവശ്യം ജനങ്ങള് വീഴില്ല, പ്രത്യേകിച്ച് കേരളത്തിലെന്നും തിരുത്തുമെന്ന് നേതൃത്വം പറയുന്നത് സ്വാഗതാര്ഹമാണെന്നും അദ്ദേഹം പറഞ്ഞു.
തിരുവനന്തപുരം | ജനങ്ങള് നല്കുന്ന തുടര്ച്ചയായ ആഘാത ചികിത്സയില് നിന്നും ഇനിയും പാഠം പഠിക്കുവാന് തയ്യാറായില്ലെങ്കില് കേരളത്തിലെ ഇടതുപക്ഷത്തിന് ബംഗാളിലെയും ത്രിപുരയിലേയും അവസ്ഥ വരുമെന്ന് യാക്കോബായ സഭ നിരണം മുന് ഭദ്രാസനാധിപന് ഡോ ഗീവര്ഗീസ് മാര് കൂറിലോസ്.
കേരളത്തില് ഇടതുപക്ഷത്തിന് ഉണ്ടായ തകര്ച്ചയുടെ പ്രധാന കാരണം അതിശക്തമായ ഭരണവിരുദ്ധ വികാരമാണെന്നും സിപിഎം എത്ര നിഷേധിക്കുവാന് ശ്രമിച്ചാലും അത് യാഥാര്ത്ഥ്യമാണെന്നും ഗീവര്ഗീസ് മാര് കൂറിലോസ് വ്യക്തമാക്കി. ഫേയ്സ്ബുക്ക് കുറിപ്പിലൂടെയാണ് അദ്ദേഹം സിപിഎമ്മിനെയും സര്ക്കാരിനെയും വിമര്ശിച്ച് രംഗത്തെത്തിയത്.
സാമ്പത്തിക നയങ്ങളിലെ പരാജയം,അച്ചടക്കം ഇല്ലായ്മ, ധൂര്ത്ത്,വളരെ മോശം പോലീസ് നയങ്ങള് , മാധ്യമ വേട്ട, സഹകരണ ബാങ്കുകളില് ഉള്പ്പെടെ നടന്ന അഴിമതികള്, പെന്ഷന് മുടങ്ങിയത് , പാവപ്പെട്ടവരെ അവഗണിച്ചുള്ള നീക്കങ്ങള് തുടങ്ങി നിരവധി കാരണങ്ങള് തോല്വിക്ക് നിദാനമാണെന്നും അദ്ദേഹം ഫേയിസ്ബുക്കില് കുറിച്ചു.
കിറ്റ് രാഷ്ട്രീയത്തില് ഒന്നിലധികം പ്രാവശ്യം ജനങ്ങള് വീഴില്ല, പ്രത്യേകിച്ച് കേരളത്തിലെന്നും തിരുത്തുമെന്ന് നേതൃത്വം പറയുന്നത് സ്വാഗതാര്ഹമാണെന്നും അദ്ദേഹം ഫേയ്സ്ബുക്ക് കുറിപ്പില് വ്യക്തമാക്കി.
Latest
ഇന്ത്യ പ്രൊപ്ടെക് ഡെമോ; ആദ്യ നാല്പ്പതില് ഇടംപിടിച്ച് കെഎസ്യുഎം സ്റ്റാര്ട്ടപ്പായ തിത്തിത്താര
രാജസ്ഥാനിൽ ബ്യൂട്ടീഷനെ കൊന്ന് ആറ് കഷ്ണങ്ങളാക്കി കുഴിച്ചുമൂടി; സുഹൃത്ത് അറസ്റ്റില്
ചികിത്സക്ക് ഡോക്ടർമാരില്ലാത്ത മൊബൈൽ ഹെൽത്ത് സ്റ്റേഷൻ; ഹെൽത്ത്കെയർ ഫ്യൂച്ചർ ഉച്ചകോടിയിൽ ഈ സാങ്കേതികവിദ്യ പ്രദർശിപ്പിച്ചു
സംസ്ഥാനത്ത് ഇന്ന് മുതല് മഴ ശക്തമാകും; നാളെ രണ്ടു ജില്ലകളില് ഓറഞ്ച് അലര്ട്ട്
കലക്ടറുമായി നവീന്ബാബുവിന് ഒരു ആത്മബന്ധവുമില്ല; ചേംബറിലെത്തി കണ്ടെന്ന മൊഴി വിശ്വസിക്കില്ല: മഞ്ജുഷ
രാഹുല് മാങ്കൂട്ടത്തിലിന്റെ ഗുണ്ടാ സംഘത്തെ ഭയപ്പെടാതെ പി സരിന് വോട്ട് ചെയ്യാന് കോണ്ഗ്രസുകാര്ക്ക് സംരക്ഷണം നല്കും: ഡി വൈ എഫ് ഐ
