Kerala
പോലീസ് സ്റ്റേഷനില് പരാക്രമം നടത്തിയ ആള്‍ അറസ്റ്റില്‍
വാഹനാപകട കേസില്‍ വിളിച്ചു വരുത്തിയപ്പോഴായിരുന്നു വിന്‍സെന്റിന്റെ പരാക്രമം. 'അമേരിക്കന്‍ ബുള്ളി' വിഭാഗത്തില്‍പ്പെട്ട നായയുമായാണ് ഇയാള്‍ കാറില്‍ പോലീസ് സ്റ്റേഷനില് എത്തിയത്.
തൃശൂര്‍ | പോലീസ് സ്റ്റേഷനില് നായയുമായി എത്തി പരാക്രമം നടത്തിയ മധ്യവയസ്‌കനെ അറസ്റ്റ് ചെയ്തു. തൃശ്ശൂരിലെ കണ്ടാണശ്ശേരി പോലീസ് സ്‌റ്റോഷനില്‍ അക്രമാസക്തനായ കൂനംമൂച്ചി സ്വദേശി വിന്‍സന്റിനെയാണ് അറസ്റ്റ് ചെയ്തത്.
സ്റ്റേഷനില് നായയുമായി എത്തിയ വിന്‍സെന്റ് ചോദ്യം ചെയ്ത പോലീസുകാരനെ ചവിട്ടി വീഴ്ത്തി. പോലീസ് സ്റ്റേഷന്റെ ഗേറ്റ് വാഹനമിടിച്ചു തകര്‍ത്തു.
വാഹനാപകട കേസില്‍ വിളിച്ചു വരുത്തിയപ്പോഴായിരുന്നു വിന്‍സെന്റിന്റെ പരാക്രമം. ‘അമേരിക്കന്‍ ബുള്ളി’ വിഭാഗത്തില്‍പ്പെട്ട നായയുമായാണ് ഇയാള്‍ കാറില്‍ പോലീസ് സ്റ്റേഷനില് എത്തിയത്. പോലീസുകാരെ മര്‍ദ്ദിക്കാന്‍ ശ്രമിച്ച പ്രതിയെ ബലംപ്രയോഗിച്ചാണ് കീഴ്‌പ്പെടുത്തിയത്. ഇയാള്‍ക്കെതിരെ ജാമ്യമില്ലാ കുറ്റം ചുമത്തിയതായി പോലീസ് അറിയിച്ചു.
കഴിഞ്ഞ ദിവസം വാഹനമിടിച്ച് കൊലപ്പെടുത്താന്‍ ശ്രമിച്ചു എന്നാരോപിച്ച് വിന്‍സെന്റിന്റെതിരെ കണ്ടാണിശ്ശേരി പോലീസ് സ്റ്റേഷനില് പരാതി ലഭിച്ചിരുന്നു. ഈ പരാതിയില്‍ ചോദ്യം ചെയ്യാനായാണ് ഇയാളെ സ്റ്റേഷനിലേക്ക് വിളിപ്പിച്ചത്. ഇന്നോവ കാറില്‍ എത്തിയ പ്രതി എന്തിനാണ് തന്നെ വിളിച്ചു വരുത്തിയതെന്ന് ചോദിച്ച് പോലീസ് സ്റ്റേഷനില് അക്രമം അഴിച്ചു വിടുകയയാരുന്നു. വിന്‍സെന്റ് പ്രവാസിയാണെന്ന് പൊലീസ് അറിയിച്ചു.
Latest
മനുഷ്യരുടെ വേദനയും ദുരിതവും വച്ച് രാഷ്ട്രീയം കളിക്കരുത്; കേന്ദ്രസര്‍ക്കാരിന്റെ അനീതിക്കെതിരെ കേരളം ഒറ്റക്കെട്ടായി പ്രതിഷേധിക്കണം: കെ സുധാകരന്‍
തൃശൂരില്‍ സ്കൂളിലേക്ക് പോയ പ്ലസ് വണ്‍ വിദ്യാര്‍ഥിയെ കാണാതായതായി പരാതി
പാലക്കാട് വ്യാജ വോട്ടര്‍ വിവാദം; അന്വേഷണത്തിന് നിര്‍ദേശം നല്‍കി ജില്ലാ കലക്ടര്‍
കേന്ദ്രം കേരളത്തെ പിന്നില്‍ നിന്ന് കുത്തി; പാലക്കാട്ടെ ജനങ്ങൾ ബിജെപിക്ക് തിരിച്ചടി നൽകും: എം ബി രാജേഷ്
കൊല്ലത്ത് സ്വകാര്യ ബസില്‍ നിന്ന് തെറിച്ച് വീണ് വിദ്യാര്‍ഥിനിയ്ക്ക് പരുക്ക്
പത്ത്, പന്ത്രണ്ട് ക്ലാസുകളിലെ ബോര്‍ഡ് പരീക്ഷകളില്‍ സിലബസ് കുറയ്ക്കില്ല; സിബിഎസ്ഇ
