കർഷക സമരം നൽകിയ തിരിച്ചടിയിലും തെറ്റു തിരുത്താതെ മോദി സർക്കാർ

കാർഷിക സമരത്തിൽ നിന്നേറ്റ പരാജയത്തെ തുടർന്ന് തെറ്റുകൾ തിരുത്താനുള്ള പ്രവണത തങ്ങൾക്കില്ലെന്ന വ്യക്തമായ സൂചനയാണ് നരേന്ദ്ര മോദി സർക്കാർ ഇപ്പോൾ കാണിച്ചുകൊണ്ടിരിക്കുന്നതെന്ന് ഇ ടി മുഹമ്മദ് ബഷീർ എം പി ഫേസ്ബുക്കിൽ കുറിച്ചു. എതിർപ്പിന്റെ ശബ്ദം പാർലമെന്റിന്റെ അകത്താണെങ്കിൽ പോലും തങ്ങൾ സമ്മതിക്കില്ലെന്ന അഹങ്കാരമാണ് രാജ്യസഭയിൽ ബി ജെ പി ഗവണ്മെന്റ് കാണിച്ചുകൊണ്ടിരിക്കുന്നതെന്നും അദ്ദേഹത്തിന്റെ പോസ്റ്റിൽ പറയുന്നു. പോസ്റ്റ് പൂർണരൂപത്തിൽ:

എതിർപ്പിന്റെ ശബ്ദം പാർലമെന്റിന്റെ അകത്താണെങ്കിൽ പോലും തങ്ങൾ സമ്മതിക്കില്ലെന്ന അഹങ്കാരമാണ് രാജ്യസഭയിൽ ബി ജെ പി ഗവണ്മെന്റ് കാണിച്ചുകൊണ്ടിരിക്കുന്നത്. ഗവണ്മെന്റിന്റെ തെറ്റായ നയത്തിന് എതിരായി ശക്തിയുക്തം എതിർക്കുന്ന ശക്തികൾ പാർലമെന്റിന് അകത്തും പുറത്തും യോജിച്ച് നിന്ന് പ്രവർത്തിക്കേണ്ട സമയമാണിത്.