National
കല്യാണ്‍ സിംഗിന്റെ പൊതുദര്‍ശനത്തിനിടെ ദേശീയ പതാകയെ അപമാനിച്ചു
ദേശീയ പതാകയുടെ പകുതി ഭാഗം ബി ജെ പി പതാക കൊണ്ട് മറച്ചത് ഫോട്ടോയില്‍ വ്യക്തമാണ്.
ലക്‌നോ | അന്തരിച്ച ഉത്തര്‍ പ്രദേശ് മുന്‍ മുഖ്യമന്ത്രി കല്യാണ്‍ സിംഗിന്റെ പൊതുദര്‍ശനത്തിനിടെ ദേശീയ പതാകയെ അപമാനിച്ചതായി ആരോപണം. കല്യാണ്‍ സിംഗിന്റെ മൃതദേഹത്തിന് മുകളില്‍ പുതപ്പിച്ച ദേശീയ പതാകക്ക് മുകളില്‍ ബി ജെ പിയുടെ പതാക വെച്ച ഫോട്ടോ സാമൂഹിക മാധ്യമങ്ങളില്‍ പ്രചരിക്കുന്നുണ്ട്.
ദേശീയ പതാകയുടെ പകുതി ഭാഗം ബി ജെ പി പതാക കൊണ്ട് മറച്ചത് ഫോട്ടോയില്‍ വ്യക്തമാണ്. ഈ സന്ദര്‍ഭത്തില്‍ ഉത്തര്‍ പ്രദേശ് മുഖ്യമന്ത്രി യോഗി ആദിത്യനാഥ്, ബി ജെ പി ദേശീയ അധ്യക്ഷന്‍ നഡ്ഡ എന്നിവര്‍ അന്തിമോപചാരം അര്‍പ്പിക്കുന്നതും കാണാം.
ദേശീയ പതാകയെ അപമാനിച്ചതിനെതിരെ കോണ്‍ഗ്രസും സമാജ് വാദി പാര്‍ട്ടിയും അതിരൂക്ഷ വിമര്‍ശമുന്നയിച്ചു. ഈ അപമാനം ഇന്ത്യ സഹിക്കില്ലെന്ന് യൂത്ത് കോണ്‍ഗ്രസ് ട്വീറ്റ് ചെയ്തു. 89 വയസ്സുകാരനായ കല്യാണ്‍ സിംഗ് കഴിഞ്ഞ ദിവസമാണ് ചികിത്സയിലിരിക്കെ മരിച്ചത്. കല്യാണ്‍ സിംഗ് യു പി മുഖ്യമന്ത്രിയായിരുന്നപ്പോഴാണ് സംഘ്പരിവാര്‍ ബാബരി മസ്ജിദ് തകര്‍ത്തത്.
Is it ok to place party flag
over Indian flag in New India? pic.twitter.com/UTkfsTwUzz— Srinivas BV (@srinivasiyc) August 22, 2021
Party above the Nation.
Flag above the Tricolor.#BJP as usual :
no regret, no repentance, no sorrow, no grief.#NationalFlag https://t.co/3bUSiDPJXF— Ghanshyam Tiwari (@ghanshyamtiwari) August 22, 2021
Latest
സ്പഷ്ടമായും മുഴക്കത്തോടെയും അദ്ദേഹം പറഞ്ഞു; നമ്മള്‍ അതിജീവിക്കും
മതേതര മൂല്യങ്ങള്‍ക്ക് കരുത്തുപകര്‍ന്ന ഭരണാധിപന്‍: കാന്തപുരം
രാജ്യത്തെ വളര്‍ച്ചയിലേക്ക് നയിച്ച സമുന്നത നേതാവ്; മന്‍മോഹന്‍ സിംഗിന്റെ വേര്‍പാടില്‍ അനുശോചിച്ച് പ്രമുഖര്‍
ഏഴ് ദിവസം ഔദ്യോഗിക ദുഃഖാചരണം പ്രഖ്യാപിച്ചേക്കും; തീരുമാനം മന്ത്രിസഭാ യോഗത്തിൽ
ലഹരി സംഘങ്ങളെ കുറിച്ച് പോലീസിന് വിവരം നല്‍കിയ വയോധികനെ വെട്ടിക്കൊന്നു
ശാന്ത സ്വഭാവം ശക്തി; ദൗർബല്യവും അതുതന്നെ
