kerala university fest
വിധികര്‍ത്താവായ ഷാജിയെ മര്‍ദ്ദിച്ചതു കണ്ടെന്ന ആരോപണം തള്ളി മറ്റ് വിധികര്‍ത്താക്കള്‍
യുവജനോത്സവം പൂര്‍ത്തിയാക്കാന്‍ സിന്‍ഡിക്കേറ്റ് യോഗം തീരുമാനിച്ചു
തിരുവനന്തപുരം | കേരള സര്‍വകലാശാല കലോത്സവത്തില്‍ വിധികര്‍ത്താവായ ഷാജിയെ യൂണിയന്‍ പ്രവര്‍ത്തകര്‍ മര്‍ദ്ദിച്ചെന്നആരോപണം തള്ളി മറ്റ് വിധികര്‍ത്താക്കള്‍. ഷാജിയെ മര്‍ദ്ദിച്ചതു കണ്ടു എന്ന നൃത്തപരിശീലകന്‍ ജോമെറ്റിന്റെ ആരോപണം തള്ളി മാര്‍ഗംകളി മത്സരത്തിന്റെ മറ്റ് വിധികര്‍ത്താക്കളായ സിബിയും ഷിബുവും രംഗത്തുവന്നു.
കോഴക്കേസില്‍ പ്രതിയായ വിധികര്‍ത്താവാണ് ആത്മഹത്യ ചെയ്ത പി എന്‍ ഷാജി. കേസിലെ രണ്ടാം പ്രതിയാണ് ഷാജിയെ മര്‍ദ്ദിക്കുന്നതു കണ്ടെന്നു പറഞ്ഞ ജോമെറ്റ്. കോഴ ആരോപണം ഉയര്‍ന്നപ്പോള്‍ കാര്യങ്ങള്‍ ചോദിച്ച് മനസിലാക്കുകയായിരുന്നു എന്നാണ് മറ്റു വിധികര്‍ത്താക്കള്‍ പറയുന്നത്.
കേരള സര്‍വകലാശാല യുവജനോത്സവം പൂര്‍ത്തിയാക്കാന്‍ സിന്‍ഡിക്കേറ്റ് യോഗം തീരുമാനിച്ചു. സംഘര്‍ഷങ്ങള്‍ അന്വേഷിക്കാന്‍ പ്രത്യേക സമിതിയെ ചുമതലപ്പെടുത്തി. തുടര്‍ച്ചയായ സംഘര്‍ഷങ്ങളുടെ പശ്ചാത്തലത്തില്‍ വൈസ് ചാന്‍സലുടെ നിര്‍ദേശപ്രകാരമാണ് കേരള സര്‍വകലാശാല കലോത്സവം നിര്‍ത്തിവെച്ചത്.
കലോത്സവം പൂര്‍ത്തീകരിക്കാന്‍ സര്‍വകലാശാല ആസ്ഥാനത്ത് ചേര്‍ന്ന സിന്‍ഡിക്കേറ്റ് യോഗം തീരുമാനിച്ചു. എവിടെവെച്ചാണ് കലോത്സവം പൂര്‍ത്തീകരിക്കുക എന്നതില്‍ അന്തിമ തീരുമാനമായിട്ടില്ല. കലോത്സവ വേദിയിലുണ്ടായ പ്രതിഷേധങ്ങളും സംഘര്‍ഷങ്ങളും അന്വേഷിക്കാന്‍ പ്രത്യേക സമിതിയേയും സിന്‍ഡിക്കേറ്റ് യോഗം ചുമതലപ്പെടുത്തി.ഡോ. ഗോപ് ചന്ദ്രന്‍, അഡ്വ. ജി മുരളീധരന്‍, ആര്‍ രാജേഷ്, ഡോക്ടര്‍ ജയന്‍ എന്നിവരടങ്ങിയ സമിതിയാണ് അന്വേഷിക്കുക. ഈ സമിതി ഒരാഴ്ചക്കകം റിപ്പോര്‍ട്ട് സമര്‍പ്പിക്കണം.
Latest
ഇ പി ജയരാജന്റെ ആത്മകഥ; വ്യാജ പുസ്തകം പ്രഖ്യാപിച്ച ഡി സി ബുക്‌സിന് എതിരായ കേസില്‍ കുറ്റപത്രം ഉടന്‍
സ്‌കൂള്‍ ബസിനുള്ളില്‍ ഒന്‍പതാം ക്ലാസുകാരന് കുത്തേറ്റ സംഭവം; പ്ലസ് വണ്‍ വിദ്യാര്‍ഥിയെ ഇന്ന് ജുവനൈല്‍ കോടതിയില്‍ ഹാജരാക്കും
സംസ്ഥാനത്ത് പകല്‍ താപനില ഉയര്‍ന്നേക്കും; ജാഗ്രതാ നിര്‍ദ്ദേശം
കാണാതായ രണ്ടുവയസ്സുകാരിയെ വീട്ടിലെ കിണറ്റില്‍ മരിച്ച നിലയില്‍ കണ്ടെത്തി
കല രാജുവിനെ തട്ടിക്കൊണ്ടുപോയെന്ന കേസ്; സിപിഎം നേതാക്കളുടെ മുന്‍കൂര്‍ ജാമ്യാപേക്ഷ ഇന്ന് പരിഗണിക്കും
അസമില്‍ യുവതിയെ ബലാത്സംഗം ചെയ്ത് മക്കളുടെ മുന്നില്‍വച്ച് ആസിഡ് ആക്രമണം; പ്രതി ഒളിവില്‍
