പാര്‍ട്ടിക്കുണ്ടായ തെറ്റിദ്ധാരണ തിരുത്തും; നിലപാടില്‍ മാറ്റമില്ല: ആര്യാടന്‍ ഷൗക്കത്ത്

തിരുവനന്തപുരം |  മലപ്പുറത്ത് ഫലസ്തീന്‍ ഐക്യദാര്‍ഢ്യ പരിപാടി സംഘടിപ്പിച്ചതുമായി ബന്ധപ്പെട്ട് പാര്‍ട്ടിക്കുണ്ടായ തെറ്റിദ്ധാരണ മാറ്റുമെന്ന് കോണ്‍ഗ്രസ് നേതാവ് ആര്യാടന്‍ ഷൗക്കത്ത്. അതേ സമയം തന്റെ നിലപാടില്‍ മാറ്റമില്ലെന്നും ആര്യാടന്‍ ഷൗക്കത്ത് മാധ്യമങ്ങളോട് പറഞ്ഞു.താന്‍ അച്ചടക്കം ലംഘിച്ചോ എന്നത് മാധ്യമങ്ങളോട് പറയുന്നില്ല.പറയാനുള്ളത് അച്ചടക്ക സമിതിക്ക് മുന്നില്‍ പറയും. പാര്‍ട്ടി അത് സ്വീകരിക്കുമെന്നാണ് പ്രതീക്ഷ

കെപിസിസി ജനറല്‍ സെക്രട്ടറിയാണ് താന്‍ അച്ചടക്കമുള്ള പാര്‍ട്ടി പ്രവര്‍ത്തകനാണെന്നും ്ആര്യാടന്‍ ഷൗക്കത്ത് പ്രതികരിച്ചു. ഫലസ്തീന്‍ ഐക്യദാര്‍ഢ്യ റാലിയിലേക്കുള്ള സിപിഎമ്മിന്റെ ക്ഷണം തള്ളാനും ആര്യാടന്‍ ഷൗക്കത്ത് തയ്യാറായില്ല.ഫലസ്തീന്‍ റാലിയുമായി ബന്ധപ്പെട്ട് കെപിസിസി അച്ചടക്ക സമതിക്ക് മുന്നില്‍ വിശദീകരണം നല്‍കാനെത്തിയതായിരുന്നു ഷൗക്കത്ത്

പാര്‍ട്ടിക്ക് തെറ്റിദ്ധാരണയുണ്ടായെങ്കില്‍ ഖേദം പ്രകടിപ്പിക്കുന്നുവെന്നാണ് ഷൗക്കത്ത് കെപിസിസിക്ക് നല്‍കിയ വിശദീകരണം. ഇക്കാര്യം തന്നെയാകും ഷൗക്കത്ത് അച്ചടക്കസമിതിക്ക് മുന്നിലും അദ്ദേഹം ആവര്‍ത്തിക്കുക.