പെബിള്‍ ഗെയിം ഓഫ് ത്രോണ്‍സ് തീം സ്മാര്‍ട്ട് വാച്ച് ഇന്ത്യയിലെത്തി

ന്യൂഡല്‍ഹി| പെബിള്‍ ഇന്ത്യയില്‍ പുതിയ സ്മാര്‍ട്ട് വാച്ച് അവതരിപ്പിച്ചു. ജനപ്രിയ സീരീസായ ഗെയിം ഓഫ് ത്രോണ്‍സ് അടിസ്ഥാനമാക്കിയുള്ള വാച്ചാണ് കമ്പനി പുറത്തിറക്കിയിരിക്കുന്നത്. പെബിള്‍ ഗെയിം ഓഫ് ത്രോണ്‍സ് തീം സ്മാര്‍ട്ട് വാച്ചില്‍ 1.43 ഇഞ്ച് അമോലെഡ് ഡിസ്പ്ലേയാണുള്ളത്. വാച്ചില്‍ റെസ്പോണ്‍സീവ് ജിഒടി തീം വാച്ച് ഫെയ്സുകളും ലെതര്‍ സ്ട്രാപ്പുകളുമുണ്ട്.

വാച്ചില്‍ ബ്ലൂടൂത്ത് കണക്ഷന്‍ വഴി സ്മാര്‍ട്ട്ഫോണില്‍ നിന്ന് കോളുകള്‍ എടുക്കാനുള്ള സംവിധാനവുമുണ്ട്.  സ്പോര്‍ട്സ്, ഫിറ്റ്നസ് ആക്റ്റിവിറ്റികളുടെ ഒരു വലിയ നിരയും ഈ സ്മാര്‍ട്ട് വാച്ചിന്റെ പ്രത്യേകതയാണ്. പെബിള്‍ ഗെയിം ഓഫ് ത്രോണ്‍സ് സ്മാര്‍ട്ട് വാച്ചില്‍ 250എംഎഎച്ച് ബാറ്ററിയാണുള്ളത്. പെബിളില്‍ നിന്നുള്ള ഗെയിം ഓഫ് ത്രോണ്‍സ് തീം സ്മാര്‍ട്ട് വാച്ച് ബ്ലാക്ക്, ഗ്രേ, ഗോള്‍ഡ് കളര്‍ ഓപ്ഷനുകളിലാണ് ലഭ്യമാകുന്നത്.

സ്മാര്‍ട്ട് വാച്ചിന് ഇന്ത്യയില്‍ 5,499 രൂപയാണ് വില. പെബിളിന്റെ വെബ്സൈറ്റിലൂടെയും ആമസോണിലൂടെയും ഈ വാച്ച് വില്‍പ്പനയ്‌ക്കെത്തും.