pv anvar
പി വി അന്‍വറിനെതിരെ പരാതി നല്‍കിയ ആള്‍ മുന്‍ കോണ്‍ഗ്രസ്സുകാരന്‍
ഇപ്പോള്‍ ഒരു രാഷ്ട്രീയ പാര്‍ട്ടിയുമായും അടുപ്പവും അകല്‍ച്ചയും ഇല്ലെന്നും തോമസ് പീലിയാനിക്കല്‍
കോട്ടയം | ഫോണ്‍ ചോര്‍ത്തല്‍ സംഭവത്തില്‍ പി വി അന്‍വര്‍ എം എല്‍ എക്കെതിരെ പരാതി നല്‍കിയ തോമസ് പീലിയാനിക്കല്‍ മുന്‍ കോണ്‍ഗ്രസ്സുകാരന്‍. 12 വര്‍ഷം മുമ്പു വരെ കോണ്‍ഗ്രസ് പ്രവര്‍ത്തകനായിരുന്നു. ഇപ്പോള്‍ ഒരു രാഷ്ട്രീയ പാര്‍ട്ടിയുമായും അടുപ്പവും അകല്‍ച്ചയും ഇല്ലെന്നും അദ്ദേഹം പറഞ്ഞു.
പൊതു പ്രവര്ത്തകന് എന്ന നിലയില്‍ മാന്യത വിട്ടുള്ള പ്രവൃത്തിയാണ് അന്‍വര്‍ ചെയ്തത് എന്നതാണ് പരാതി നല്‍കാന്‍ കാരണം. പൊതു പ്രവര്ത്തകന് എന്ന നിലയില്‍ പി വി അന്‍വര്‍ ചെയ്തത് ഒരിക്കലും അംഗീകരിക്കാനാവാത്ത പ്രവൃത്തിയാണ്. ഫോണ്‍ ചോര്‍ത്തുക എന്നത് ഒരു പൊതു പ്രവര്ത്തകന് ചേര്‍ന്ന പണിയല്ല.
മറ്റൊരാളുടെ ഫോണ്‍ ചോര്‍ത്തുക എന്നത് വളരെ ഗുരുതരമായ തെറ്റാണെന്ന് ബോധ്യം വന്നതു കൊണ്ടാണ് പരാതി നല്‍കിയതെന്നും തോമസ് പീലിയാനിക്കല്‍ മാധ്യമങ്ങളോട് പറഞ്ഞു.
മാധ്യമങ്ങളില്‍ കണ്ടതു പ്രകാരമാണ് പരാതി നല്‍കിയത്. തെളിവ് ഹാജരാക്കിയിട്ടില്ല. ഈ മാസം അഞ്ചാം തീയതിയാണ് ഇ-മെയില്‍ മുഖാന്തിരം പോലീസ് മേധാവിക്ക് പരാതി നല്‍കിയത്. സംഭവം അധികാരികളുടെ ശ്രദ്ധയില്‍പ്പെടുത്തുകയാണ് താന്‍ ചെയ്തത്. അതില്‍ തുടര്‍നടപടി എടുക്കേണ്ടത് അധികൃതരുടെ ജോലിയാണ്. ആരുടേയും നിര്‍ദേശപ്രകാരമല്ല പരാതി നല്‍കിയതെന്നും തോമസ് പീലിയാനിക്കല്‍ കൂട്ടിച്ചേര്‍ത്തു. പരാതി ശനിയാഴ്ചയാണ് ഡി ജി പി കോട്ടയം ജില്ലാ പോലീസ് മേധാവിക്ക് കൈമാറിയത്.
Latest
ഹിന്ദുസ്ഥാന്‍ പെട്രോളിയം പ്ലാന്റില്‍ നിന്ന് ഓടയിലൂടെ ഡീസല്‍ ഒഴുകി
കേരള ഹൈക്കോടതി ജീവനക്കാര്‍ ഓഫീസ് സമയത്ത് മൊബൈല്‍ ഫോണ്‍ ഉപയോഗിക്കുന്നതിന് വിലക്ക്
ഉപഹാരമെന്ന് പ്രചരിപ്പിച്ചത് ചാനലുകള്‍ ട്രോളി ബാഗില്‍ നിയമസഭയുമായി ബന്ധപ്പെട്ട രേഖകള്‍: പതിവ് രീതിയെന്ന് സ്പീക്കറുടെ ഓഫീസ്
മുനമ്പത്തേത് വഖ്ഫ് ഭൂമിയല്ലെന്ന വി ഡി സതീശന്റെ പ്രസ്താവനയെക്കുറിച്ച് അദ്ദേഹത്തോട് തന്നെ ചോദിക്കണം: എം കെ മുനീര്‍
വയനാട് ദുരന്തം കേന്ദ്ര സര്‍ക്കാര്‍ അതീവ ഗുരുതര വിഭാഗത്തില്‍ ഉള്‍പ്പെടുത്തി; 2,219 കോടി രൂപയുടെ പാക്കേജ് പരിശോധനയില്‍
വീട്ടമ്മയെ ബലാല്‍സംഗം ചെയ്യാന്‍ ശ്രമം; യുവാവ് പിടിയില്‍
