രണ്ടു ദിവസത്തെ സന്ദര്‍ശനത്തിനായി പ്രധാനമന്ത്രി ഇന്ന് ചെന്നൈയില്‍ എത്തും

ചെന്നൈ|പ്രധാനമന്ത്രി നരേന്ദ്രമോദി ഇന്ന് ചെന്നൈയിലെത്തും. രണ്ട് ദിവസത്തെ സന്ദര്‍ശനത്തിനായാണ് ചെന്നൈയിലെത്തുന്നത്. വൈകിട്ട് ആറിന് ചെന്നൈ പോണ്ടിബസാറില്‍ അദ്ദേഹം റോഡ് ഷോയില്‍ പങ്കെടുക്കും. ചെന്നൈ സൗത്ത് മണ്ഡലം സ്ഥാനാര്‍ത്ഥി തമിഴിസൈ സൗന്ദര്‍ രാജന്‍, സെന്‍ട്രല്‍ മണ്ഡലം സ്ഥാനാര്‍ത്ഥി വിനോജ് പി ശെല്‍വം എന്നിവര്‍ക്കുവേണ്ടിയാണ് റോഡ് ഷോ.

നാളെ രാവിലെ വെല്ലൂരില്‍ നടക്കുന്ന പൊതുസമ്മേളനത്തില്‍ വെല്ലൂര്‍ മണ്ഡലം സ്ഥാനാര്‍ഥി എ സി ഷണ്‍മുഖം, ധര്‍മപുരി മണ്ഡലം പിഎംകെ സ്ഥാനാര്‍ഥി സൗമ്യ അന്‍പുമണി എന്നിവര്‍ക്കായിപ്രധാനമന്ത്രി വോട്ടഭ്യര്‍ത്ഥിയ്ക്കും. തുടര്‍ന്ന് ഉച്ചയ്ക്കുശേഷം മോട്ടുപ്പാളയത്ത് നടക്കുന്ന റാലിയിലും പൊതുസമ്മേളനത്തിലും പങ്കെടുക്കും. കോയമ്പത്തൂര്‍ സ്ഥാനാര്‍ഥി കെ അണ്ണാമല, കേന്ദ്രമന്ത്രിയും നീലഗിരി മണ്ഡലം സ്ഥാനാര്‍ഥിയുമായ എല്‍ മുരുകന്‍, പൊള്ളാച്ചി സ്ഥാനാര്‍ഥി കെ. വസന്തരാജന്‍ എന്നിവര്‍ക്കായും വോട്ടഭ്യര്‍ത്ഥിയ്ക്കും.