Kerala
സത്യഗ്രഹമിരിക്കുന്ന എം എല്‍ എ ഹാജര്‍ രേഖപ്പെടുത്തി; നിയമസഭയില്‍ പുതിയ വിവാദം
അബദ്ധം സംഭവിച്ചതാണെന്ന് നജീബ് കാന്തപുരം സ്പീക്കറെ അറിയിച്ചു.
തിരുവനന്തപുരം | സംസ്ഥാന ബജറ്റിനെതിരെ നിയമസഭാ കവാടത്തില്‍ സത്യഗ്രഹമിരിക്കുന്ന പ്രതിപക്ഷ എം എല്‍ എമാരില്‍ ഒരാള്‍ ഇന്നലെ സഭയില്‍ ഹാജര്‍ രേഖപ്പെടുത്തി. സഭയില്‍ പ്രവേശിക്കാതെയും നടപടികളില്‍ പങ്കെടുക്കാതെയുമാണ് എം എല്‍ എമാര്‍ സത്യഗ്രഹം നടത്തുന്നത്. മുസ്ലിം ലീഗ് അംഗം നജീബ് കാന്തപുരമാണ് ഹാജര്‍ രേഖപ്പെടുത്തിയത്.
ഇന്നലെ സഭയിലേക്ക് കടന്ന് ഇ സിഗ്നേച്ചര്‍ രേഖപ്പെടുത്തുകയായിരുന്നു. ഇക്കാര്യം ശ്രദ്ധിച്ച നിയസമഭാ സെക്രട്ടറിയേറ്റ് വിഷയം സ്പീക്കര്‍ എ എന്‍ ശംസീറിനെ അറിയിച്ചു. സ്പീക്കര്‍ പ്രതിപക്ഷത്തെയും വിഷയം ധരിപ്പിച്ചു.
അബദ്ധം സംഭവിച്ചതാണെന്ന് നജീബ് കാന്തപുരം സ്പീക്കറെ അറിയിച്ചു. ഒപ്പ് നീക്കം ചെയ്യാന്‍ കത്തും നല്‍കിയിട്ടുണ്ട്. എല്ലാ ദിവസവും സഭയില്‍ ഹാജരാകുകയെന്ന ആഗ്രഹം കാരണമാണ് ഇങ്ങനെ സംഭവിച്ചതെന്നും അദ്ദേഹം പറഞ്ഞു. നജീബിന് പുറമെ ശാഫി പറമ്പില്‍, മാത്യു കുഴല്‍നാടന്‍, സി ആര്‍ മഹേഷ് എന്നിവരാണ് സത്യഗ്രഹം ചെയ്യുന്നത്. പ്രതിപക്ഷ എം എല്‍ എമാരുടെ സത്യഗ്രഹം ഇന്ന് മൂന്നാം ദിവസമാണ്.
Latest
ഷാര്‍ജ അന്താരാഷ്ട്ര പുസ്തകമേളയില്‍ പ്രവാസി രിസാല ഐ പി ബി സ്റ്റാള്‍ ഉദ്ഘാടനം ചെയ്തു
ദിവ്യയ്ക്ക് ജാമ്യം നല്‍കിയത് ജുഡീഷ്യറി; അതിനെ രാഷ്ട്രീയവുമായി ചേര്‍ത്തുവെക്കരുത്: എം വി ഗോവിന്ദന്‍
വയനാട്ടിലെ ഭക്ഷ്യ കിറ്റ് വിവാദം; വിജിലന്‍സ് അന്വേഷണത്തിന് ഉത്തരവിട്ട് മുഖ്യമന്ത്രി
'നവീന്‍ ബാബുവിന്റെ മരണത്തില്‍ ദുഃഖമുണ്ട്; തന്റെ ഇടപെടല്‍ സദുദ്ദേശപരമായിരുന്നു, നിരപരാധിത്വം കോടതിയില്‍ തെളിയിക്കും': പി പി ദിവ്യ
ഹിന്ദു മല്ലു വാട്‌സാപ്പ് ഗ്രൂപ്പ്; ഹാക്കിംഗ് നടന്നതായി ഫോറന്‍സിക് റിപോര്‍ട്ടിലും സ്ഥിരീകരണമില്ല
തിരഞ്ഞെടുപ്പ് കമ്മീഷന് റിപ്പോര്‍ട്ട് നല്‍കിയതായുള്ള മാധ്യമ വാര്‍ത്ത വസ്തുതാ വിരുദ്ധം; പാലക്കാട് കലക്ടര്‍
