Kerala
സത്യഭാമക്കെതിരെ അന്വേഷണം നടത്തി റിപ്പോര്‍ട്ട് നല്‍കാന്‍ ഡിജിപിക്ക് പട്ടികജാതി കമ്മിഷന്റെ നിര്‍ദേശം
അന്വേഷണം നടത്തി പത്തു ദിവസത്തിനുള്ളില്‍ റിപ്പോര്‍ട്ട് സമര്‍പ്പിക്കാനാണ് കമ്മീഷന്റെ നിര്‍ദേശം
തിരുവനന്തപുരം | ആര്‍എല്‍വി രാമകൃഷ്ണനെതിരെ അധിക്ഷേപ പരാമര്‍ശം നടത്തിയ സത്യഭാമക്കെതിരെ നിയമ നടപടി സ്വീകരിക്കണമെന്ന് ആവശ്യപ്പെട്ട് ലഭിച്ച പരാതിയില്‍ അന്വേഷണം നടത്താന്‍ പോലീസ് മേധാവിക്ക് പട്ടികജാതി പട്ടികഗോത്രവര്‍ഗ കമ്മീഷന്റെ നിര്‍ദേശം. അന്വേഷണം നടത്തി പത്തു ദിവസത്തിനുള്ളില്‍ റിപ്പോര്‍ട്ട് സമര്‍പ്പിക്കാനാണ് കമ്മീഷന്റെ നിര്‍ദേശം
അതേസമയം, ആര്‍എല്‍വി രാമകൃഷ്ണന്‍ കേരള കലാമണ്ഡലത്തില്‍ നൃത്താവതരണം നടത്തും. കലാമണ്ഡലത്തിന്റെ ക്ഷണപ്രകാരമാണിത്. ചൊവ്വാഴ്ച കലാമണ്ഡലത്തിന്റെ കൂത്തമ്പലത്തിലാണ് മോഹിനിയാട്ടം അവതരിപ്പിക്കുക. നേരത്തെ നൃത്താവതരണത്തിനുള്ള നടന്‍ സുരേഷ് ഗോപിയുടെ ക്ഷണം രാമകൃഷ്ണന്‍ നിരസിച്ചിരുന്നു. തനിക്ക് അന്നേ ദിവസം തിരക്കാണെന്ന് ചൂണ്ടിക്കാണിച്ചാണ് സുരേഷ് ഗോപിയുടെ ക്ഷണം രാമകൃഷ്ണന്‍ നിരസിച്ചത്.
കഴിഞ്ഞദിവസം ഒരു യൂട്യൂബ് ചാനലിന് നല്‍കിയ അഭിമുഖത്തിലായിരുന്നു രാമകൃഷ്ണനെതിരായ സത്യഭാമയുടെ അധിക്ഷേപം. പുരുഷന്മാര്‍ മോഹിനിയാട്ടം കളിക്കുന്നത് അരോചകമാണെന്നും ഇയാള്‍ക്ക് കാക്കയുടെ നിറമാണെന്നുമായിരുന്നു സത്യഭാമയുടെ അധിക്ഷേപം
Latest
മൂന്നാമത് അന്താരാഷ്ട്ര ഡിഫന്‍സ് എക്‌സ്‌പോ സഊദിയില്‍
വലിയ ദ്രോഹമൊന്നും തരൂര്‍ പറഞ്ഞിട്ടില്ല; പ്രശ്‌നം അവസാനിച്ചെന്ന് കെ സുധാകരന്‍
സ്വയം പോർട്ടലിൽ സൗജന്യ ബിസിനസ്‌ കോഴ്‌സുകളുമായി ഐഐഎം
മാട്ടുപ്പെട്ടിയില്‍ ബസ് മറിഞ്ഞ് രണ്ട് മരണം
കൊമ്പൻ്റെ മുറിവിന് ഒരടിയോളം ആഴം; ദൗത്യം വിജയമെന്ന് പറയാനായിട്ടില്ലെന്ന് ഡോ. അരുണ്‍ സകറിയ
മൂന്നാറിലെ റോയല്‍ വ്യൂ ഡബിള്‍ ഡെക്കര്‍ ബസിന്റെ ചില്ലുകള്‍ തകര്‍ന്നു
