പുരയിടം വൃത്തിയാക്കുന്നതിനിടെ തലയോട്ടി കണ്ടെത്തി

പത്തനംതിട്ട  | മലയാലപ്പുഴ പൊതീപ്പാട്ട് പുരയിടം വൃത്തിയാക്കുന്നതിനിടെ തലയോട്ടി കണ്ടെത്തി. മലയാലപ്പുഴ പഞ്ചായത്ത് മുന്‍ പ്രസിഡന്റും ജെഎസ്എസ് സംസ്ഥാന നേതാവുമായിരുന്ന റോസ് വില്ലയില്‍ എന്‍ എന്‍ സദാനന്ദന്റെ പുരയിടത്തിലാണ് ഇന്ന് രാവിലെ തലയോട്ടി കണ്ടെത്തിയത്.

ഏറെക്കാലമായി കാടുപിടിച്ചു കിടന്ന സ്ഥലത്തെ കാട് വെട്ടി വൃത്തിയാക്കുന്നതിനിടെയാണ് തലയോട്ടി കണ്ടെത്തിയത്. പോലീസ് സ്ഥലത്തെത്തി പരിശോധന നടത്തി. കൂടുതല്‍ പരിശോധനയ്ക്കായി തലയോട്ടി ഫോറന്‍സിക് അധികൃതര്‍ കൊണ്ടുപോയി. വിശദമായ അന്വേഷണത്തിനുശേഷമെ കൂടുതല്‍ കാര്യങ്ങള്‍ വ്യക്തമാകുകയുള്ളുവെന്നും പോലീസ് പറഞ്ഞു.