Kerala
മുല്ലപ്പെരിയാര്‍ മരംമുറി ഉത്തരവ് റദ്ദാക്കാന്‍ സംസ്ഥാന സര്‍ക്കാര്‍ നിയമോപദേശം തേടി
നിയമോപദേശം ലഭിച്ച ശേഷമായിരിക്കും ഉത്തരവ് പുറപ്പെടുവിച്ച ഉദ്യോഗസ്ഥര്‍ക്കെതിരെയുള്ള നടപടിക്ക് സര്‍ക്കാര്‍ മുതിരുക
തിരുവനന്തപുരം | തമിഴ്‌നാടിന് മുല്ലപ്പെരിയാറില്‍ മരംമുറിക്കാന്‍ അനുമതി നല്‍കി ഉത്തരവ് പുറപ്പെടുവിച്ച് വെട്ടിലായതിന് പിറകെ ഇതിനെ മറികടക്കാന്‍ വഴിതേടി സംസ്ഥാന സര്‍ക്കാര്‍. മരംമുറി ഉത്തരവ് റദ്ദാക്കാനാകുമോ എന്ന് നിയമോപദേശം തേടിയിരിക്കുകയാണ് സംസ്ഥാന സര്‍ക്കാര്‍ ഇപ്പോള്‍. അഡ്വക്കേറ്റ് ജനറലിനോടും സുപ്രിം കോടതിയില്‍ സര്‍ക്കാരിനുവേണ്ടി ഹാജരാകുന്ന അഭിഭാഷകനോടുമാണ് സര്‍ക്കാര്‍ നിയമോപദേശം തേടിയിരിക്കുന്നത്. നിയമോപദേശം ലഭിച്ച ശേഷമായിരിക്കും ഉത്തരവ് പുറപ്പെടുവിച്ച ഉദ്യോഗസ്ഥര്‍ക്കെതിരെയുള്ള നടപടിക്ക് സര്‍ക്കാര്‍ മുതിരുക. വിവാദ ഉത്തരവ് പുറത്തിറക്കിയ ചീഫ് വൈല്‍ഡ് ലൈഫ് വാര്‍ഡന്‍ ബെന്നിച്ചനെതിരെ മാത്രം നടപടിയെടുത്താല്‍ ചോദ്യം ചെയ്യപ്പെടുമോയെന്ന ആശങ്കയാണ് ഇതിന് പിന്നില്‍.
അതേ സമയം മുല്ലപ്പെരിയാര്‍ വിഷയത്തില്‍ കേരളം സുപ്രിം കോടതിയില്‍ സത്യവാങ്മൂലം സമര്‍പ്പിച്ചു. ഡാമിലെ റൂള്‍ കര്‍വിനെ സര്‍ക്കാര്‍ സുപ്രിംകോടതിയില്‍ ചോദ്യം ചെയ്തു. റൂള്‍ കര്‍വ് പുനഃപരിശോധിക്കണമെന്നും 142 അടിയായി ജലനിരപ്പ് ഉയര്‍ത്തണമെന്ന നിര്‍ദേശം പുനഃപരിശോധിക്കണമെന്നും കേരളം ആവശ്യപ്പെട്ടു. നിലവിലെ പ്രശ്‌നങ്ങള്‍ക്ക് പരിഹാരം അണക്കെട്ടാണെന്നും കേരളം സുപ്രിം കോടതിയില്‍ സമര്‍പ്പിച്ച സത്യവാങ് മൂലത്തില്‍ സൂചിപ്പിക്കുന്നു. കേസ് മറ്റന്നാള്‍ സുപ്രിംകോടതി വീണ്ടും പരിഗണിക്കും.
ചീഫ് വൈല്‍ഡ് ലൈഫ് വാര്‍ഡനെക്കൂടാതെ വനം-ജലവിഭവ സെക്രട്ടറിമാര്‍ക്കെതിരെ നടപടി ഉണ്ടാകുമോ എന്നതില്‍ വ്യക്തതയില്ല. രണ്ട് സെക്രട്ടറിമാരും പങ്കെടുത്ത യോഗത്തിന്റെ തീരുമാനം അനുസരിച്ചാണ് ഉത്തരവിറക്കിയതെന്നായിരുന്നു ചീഫ് വൈല്‍ഡ് ലൈഫ് വാര്‍ഡന്റെ വിശദീകരണം.
Latest
ഗുജറാത്ത് തീരത്ത് വന്‍ ലഹരി വേട്ട; പിടികൂടിയത് 700 കിലോ, എട്ട് ഇറാനികള്‍ അറസ്റ്റില്‍
സംസ്ഥാനത്ത് മഴ മുന്നറിയിപ്പില്‍ മാറ്റം; ഇന്ന് എട്ട് ജില്ലകളില്‍ യെല്ലോ അലര്‍ട്ട്
വയനാട് ദുരന്ത ധനസഹായത്തില്‍ കേന്ദ്രത്തിന്റേത് വിപരീത നിലപാട്; മുനമ്പം പ്രശ്‌നം പരിഹരിക്കും: സി പി എം
കൊല്ലത്ത് എലിപ്പനി ബാധിച്ച് 45കാരൻ മരിച്ചു
മനുഷ്യരുടെ വേദനയും ദുരിതവും വച്ച് രാഷ്ട്രീയം കളിക്കരുത്; കേന്ദ്രസര്‍ക്കാരിന്റെ അനീതിക്കെതിരെ കേരളം ഒറ്റക്കെട്ടായി പ്രതിഷേധിക്കണം: കെ സുധാകരന്‍
തൃശൂരില്‍ സ്കൂളിലേക്ക് പോയ പ്ലസ് വണ്‍ വിദ്യാര്‍ഥിയെ കാണാതായതായി പരാതി
