തെരുവു നായ കുറുകെ ചാടി; ബൈക്ക് മറിഞ്ഞ് ദമ്പതികള്‍ക്ക് പരുക്ക്

കോഴിക്കോട്  | തെരുവു നായ കുറുകെ ചാടിയതിനെ തുടര്‍ന്ന് ബൈക്ക് മറിഞ്ഞ് ദമ്പതികള്‍ക്ക് പരുക്ക്. വടകര സാന്റ് ബാങ്ക് സ് റോഡില്‍ ഇന്ന് ഉച്ചക്ക് ഒന്നരയോടെയാണ് സംഭവം. വടകര അഴിത്തല തൈകൂട്ടത്തില്‍ ഉല്ലാസ് (40) ,ഭാര്യ ലേഖ ( 34 ) എന്നിവര്‍ക്കാണ് പരുക്കേറ്റത്.

സാരമായി പരുക്കേറ്റ ഇരുവരെയും ആദ്യം വടകരയിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഉല്ലാസിനെ പിന്നീട് കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റി. ആശുപത്രിയില്‍ പോയി തിരികെ വരവെയാണ് ഇരുവരും അപകടത്തില്‍പ്പെട്ടത്്. തെരുവ് നായ റോഡിന് കുറുകെ ചാടിയതോടെ ഇരുചക്രവാഹനം മറിഞ്ഞ് ഇരുവരും റോഡിലേക്ക് തെറിച്ച് വീഴുകയായിരുന്നു.