കവടിയാറില്‍ ഫ്‌ളാറ്റില്‍ നിന്ന് വീണ് വിദ്യാര്‍ഥിനി മരിച്ചു

തിരുവനന്തപുരം | തിരുവനന്തപുരം കവടിയാറില്‍ ഫ്ളാറ്റില്‍ നിന്ന് വീണ് വിദ്യാര്‍ഥിനി മരിച്ചു. പി ഡബ്ല്യു ഡി സെക്രട്ടറി ആനന്ദ് സിംഗിന്റെ മകള്‍ ഭവ്യ സിംഗ് (16) ആണ് മരിച്ചത്. കേന്ദ്രീയ വിദ്യാലയം വിദ്യാര്‍ഥിനിയാണ്. ഇന്ന് ഉച്ചക്ക് രണ്ടോടെയാണ് അപകടം. കവടിയാറിലെ നികുഞ്ജം ഫോര്‍ച്യൂണ്‍ എന്ന ഫ്ളാറ്റിന്റെ ഒമ്പതാം നിലയില്‍ നിന്ന് വീഴുകയായിരുന്നു. ഭവ്യ സിംഗിനെ ഉടന്‍ സ്വകാര്യ ആശുപത്രിയിലേക്ക് കൊണ്ടുപോയെങ്കിലും രക്ഷിക്കാനായില്ല. അപകട സമയത്ത് ആനന്ദ് സിംഗും കുടുംബവും ഫ്ളാറ്റിലുണ്ടായിരുന്നു.

മുഖ്യമന്ത്രി, സംസ്ഥാന ചീഫ് സെക്രട്ടറി എന്നിവരടക്കം കുടുംബാംഗങ്ങളെ സന്ദര്‍ശിച്ചു. മൃതദേഹം മേല്‍ നടപടികള്‍ക്കായി തിരുവനന്തപുരം മെഡിക്കല്‍ കോളജിലേക്ക് മാറ്റും. കഴിഞ്ഞ മൂന്ന് വര്‍ഷമായി ആനന്ദ് സിംഗും കുടുംബവും കവടിയാറിലാണ് താമസം.