ഹജ്ജിന് തിരഞ്ഞെടുക്കപ്പെട്ടവര്‍ ആദ്യ ഗഡു അടക്കാനുള്ള സമയം ഏപ്രില്‍ 12 വരെ നീട്ടി

കരിപ്പൂർ | സംസ്ഥാന ഹജ്ജ് കമ്മിറ്റി മുഖാന്തരം ഈ വര്‍ഷത്തെ ഹജ്ജിന് തിരഞ്ഞെടുക്കപ്പെട്ടവര്‍ അഡ്വാന്‍സ് തുകയും, പ്രോസസിംഗ് ചാര്‍ജ്ജും ഉള്‍പ്പെടെ ആദ്യ ഗഡു തുകയായി ഒരാള്‍ക്ക് 81,800 രൂപവീതം അടക്കുവാനുള്ള സമയം 2023 ഏപ്രില്‍ 12 വരെ നീട്ടിയതായി സര്‍ക്കുലര്‍ നമ്പര്‍ 9 പ്രകാരം കേന്ദ്ര ഹജ്ജ് കമ്മിറ്റി അറിയിച്ചു.

പണമടച്ച ശേഷം പാസ്പോര്‍ട്ടും, പണമടച്ച രശീതിയും, മെഡിക്കല്‍ സര്‍ട്ടിഫിക്കറ്റും, ഹജ്ജ് അപേക്ഷാ ഫോമും അനുബന്ധരേഖകളും സംസ്ഥാന ഹജ്ജ് കമ്മിറ്റിക്ക് 2023 ഏപ്രില്‍ 14 വൈകുന്നേരം 5 മണിക്കകം സമര്‍പ്പിക്കണം.