National
വിനോദസഞ്ചാരിയെ ലൈംഗികമായി ഉപദ്രവിച്ചു; താജ്മഹല്‍ ടൂറിസ്റ്റ് ഗൈഡ് അറസ്റ്റില്‍
ഗൈഡിനെതിരെ പീഡനത്തിന് കേസ് രജിസ്റ്റര്‍ ചെയ്തിട്ടുണ്ടെന്നും ഇയാളെ ജുഡീഷ്യല്‍ കസ്റ്റഡിയില്‍ റിമാന്‍ഡ് ചെയ്തിട്ടുണ്ടെന്നും താജ്മഹലിന്റെ സുരക്ഷാ ചുമതലയുള്ള അസിസ്റ്റന്റ് പോലീസ് കമ്മീഷണര്‍ പറഞ്ഞു.
ആഗ്ര|താജ്മഹല്‍ സന്ദര്‍ശിക്കാനെത്തിയ വിനോദസഞ്ചാരിയെ ലൈംഗികമായി ഉപദ്രവിച്ച ടൂറിസ്റ്റ് ഗൈഡ് അറസ്റ്റില്‍. മന്‍മോഹന്‍ ആര്യ എന്ന ആളെയാണ് പോലീസ് അറസ്റ്റ് ചെയ്തത്. ശനിയാഴ്ച രാവിലെയാണ് സംഭവം. യു.കെ സ്വദേശികളായ ദമ്പതികളെ ടൂറിസ്റ്റ് ഗൈഡ് മന്‍മോഹന്‍ ആര്യ ഫോട്ടോ എടുത്ത് തരാമെന്ന് പറഞ്ഞ് സമീപിക്കുകയായിരുന്നു. തുടര്‍ന്ന് യുവതിയുടെ ഭര്‍ത്താവ് മുന്നോട്ട് നീങ്ങിയപ്പോള്‍, ഗൈഡ് യുവതിയുടെ ചിത്രങ്ങള്‍ അനുവാദമില്ലാതെ എടുക്കുകയും അവരെ ലൈംഗികമായി ഉപദ്രവിക്കുകയുമായിരുന്നു.
സംഭവശേഷം യുവതിയും ഭര്‍ത്താവും ഉടന്‍ തന്നെ താജ്മഹലിലെ സുരക്ഷാ ഉദ്യോഗസ്ഥരെ വിവരം അറിയിക്കുകയും ഗൈഡിനെ പിടികൂടി പോലീസിന് കൈമാറുകയായിരുന്നു. ഗൈഡിനെതിരെ പീഡനത്തിന് കേസ് രജിസ്റ്റര്‍ ചെയ്തിട്ടുണ്ടെന്നും ഇയാളെ ജുഡീഷ്യല്‍ കസ്റ്റഡിയില്‍ റിമാന്‍ഡ് ചെയ്തിട്ടുണ്ടെന്നും താജ്മഹലിന്റെ സുരക്ഷാ ചുമതലയുള്ള അസിസ്റ്റന്റ് പോലീസ് കമ്മീഷണര്‍ സയ്യിദ് ആരിബ് അഹമ്മദ് പറഞ്ഞു.
Latest
കനത്ത മൂടല്‍ മഞ്ഞില്‍ വാഹനങ്ങള്‍ കൂട്ടിയിടിച്ചു; വിവാഹം കഴിഞ്ഞ് വീട്ടിലേക്ക് വരികയായിരുന്ന ദമ്പതികളടക്കം ഏഴ് പേര്‍ മരിച്ചു
കോണ്‍ഗ്രസ് കഴുത്തിലിടുന്നത് വര്‍ഗീയതയുടെ കാളിയനെ: എം ബി രാജേഷ്
ഉന്നത പദവി വാഗ്ദാനം ചെയ്തു; നടി ദിഷ പടാനിയുടെ പിതാവില്‍ നിന്ന് 25 ലക്ഷം തട്ടി
സന്ദീപ് വാര്യരെ സ്വീകരിച്ചത് കോണ്‍ഗ്രസ് പരാജയത്തിന്റെ ആഴം കാണിക്കുന്നത്: കെ സുരേന്ദ്രന്‍
ബി ജെ പി വെറുപ്പ് മാത്രം ഉത്പാദിപ്പിക്കുന്ന ഫാക്ടറിയെന്ന് സന്ദീപ് വാര്യര്‍
സംസ്ഥാനത്ത് സ്വര്‍ണവിലയില്‍ ഇടിവ്
