കോഴിക്കോട് ഗുരുവായൂരപ്പന്‍ കോളജിലെ യൂണിയന്‍ ഓഫീസ് തീവെച്ച് നശിപ്പിച്ചു

കോഴിക്കോട് |  കോഴിക്കോട് ഗുരുവായൂരപ്പന്‍ കോളേജിലെ യൂണിയന്‍ ഓഫീസ് തീവച്ച് നശിപ്പിച്ച നിലയില്‍. കോളജ് യൂനിയന്‍ തിരഞ്ഞെടുപ്പില്‍ കെ എസ് യു വിജയിച്ചതിന് പിന്നാലെ നവീകരിച്ച യൂനിയന്‍ ഓഫീസാണ് തീവെച്ച് നശിപ്പിക്കപ്പെട്ടത്.

ക്രിസ്തുമസ് അവധി കഴിഞ്ഞ് ഇന്ന് കോളജ് തുറന്നപ്പോഴാണ് യൂണിയന്‍ ഓഫീസ് തീവെച്ച് നശിപ്പിച്ചത് ശ്രദ്ധയില്‍പ്പെട്ടത്. സംഭവത്തില്‍ കെഎസ് യു നേതാക്കള്‍ കസബ പോലീസില്‍ പരാതി നല്‍കി.യൂനിയന്‍ ഓഫീസിലെ സാധനങ്ങള്‍ ഉള്‍പ്പെടെ കത്തിനശിച്ചിട്ടുണ്ട്. ചുമരുകളും കത്തിനശിച്ച നിലയിലാണ്. സംഭവത്തില്‍ പ്രതിഷേധിച്ച് കോളേജില്‍ നാളെ രാവിലെ ഒമ്പത് മുതല്‍ കെ എസ് യു യൂണിയന്‍ ഭാരവാഹികള്‍ ഏകദിന ഉപവാസം നടത്തും