Kerala
പോക്‌സോ കേസിലെ ഇര പ്രതിക്കൊപ്പം ഒളിച്ചോടി
നിലവിൽ പ്രായപൂർത്തി ആയതിനാൽ പെൺകുട്ടിയെ യുവാവിനൊപ്പം കോടതി വിട്ടു
പത്തനംതിട്ട | ജാമ്യത്തിലിറങ്ങിയ പ്രതിക്കൊപ്പം പോക്‌സോ കേസിലെ ഇര ഒളിച്ചോടി. പോലീസ് തിരോധാന കേസ് എടുത്ത് കോടതിയില്‍ ഹാജരാക്കിയെങ്കിലും നിലവില്‍ പ്രായപൂര്‍ത്തി ആയതിനാല്‍ സ്വന്തം ഇഷ്ടപ്രകാരം വിട്ടയച്ചു. പത്തനംതിട്ട ജുഡീഷ്യൽ ഫസ്റ്റ് ക്ലാസ് കോടതി 2 ജഡ്ജി സന്തോഷ് ദാസ് ആണ് ഇത് സംബന്ധിച്ച ഉത്തരവ് നൽകിയത്.
കഴിഞ്ഞ നവംബര്‍ 10 ന് പത്തനംതിട്ട വനിതാ സ്‌റ്റേഷനില്‍ രജിസ്റ്റര്‍ ചെയ്ത കേസിലെ പ്രതിയായ ഇലവുംതിട്ട അയത്തില്‍ മംഗലശ്ശേരില്‍ വീട്ടില്‍ അരവിന്ദിനൊ (37)പ്പമാണ് ഇര പോയത്. പത്താം ക്ലാസ്സില്‍ പഠിക്കുന്ന കാലം മുതല്‍ കഴിഞ്ഞ വര്‍ഷം ഫെബ്രുവരി അവസാനം വരെ പെണ്‍കുട്ടിയെ ലൈംഗികമായി പീഡിപ്പിച്ചെന്ന പരാതിയിലായിരുന്നു അരവിന്ദ് അറസ്റ്റിലായത്.
പെണ്‍കുട്ടിയുടെ വീട്ടില്‍ അതിക്രമിച്ച് കയറി പീഡിപ്പിക്കുകയും പുറത്തുപറഞ്ഞാല്‍ കൊല്ലുമെന്ന് ഭീഷണിപ്പെടുത്തുകയും ചെയ്തെന്നും തുടര്‍ന്നും നിരന്തരമായി പീഡിപ്പിച്ചെന്നുമുള്ള പരാതിയിലാണ് വനിതാ പോലീസ് സ്‌റ്റേഷന്‍ ഇന്‍സ്‌പെക്ടര്‍ എ ആര്‍ ലീലാമ്മ
യുവാവിനെ അറസ്റ്റ് ചെയ്തത്.
ടിപ്പര്‍ ഡ്രൈവറായ പ്രതിക്ക് ഭാര്യയും കുട്ടിയുമുണ്ട്. ഭാര്യയുമായി കുടുംബപ്രശ്‌നങ്ങള്‍ നില നില്‍ക്കുന്നതിനിടെയാണ് പോക്‌സോ കേസില്‍ അറസ്റ്റിലായത്. റിമാന്‍ഡിലായിരുന്ന അരവിന്ദ് ഒരാഴ്ച മുമ്പാണ് പുറത്തിറങ്ങിയത്. ഇതിനു പിന്നാലെ അരവിന്ദ് പെണ്‍കുട്ടിയുമായി ഒളിച്ചോടുകയായിരുന്നു.
പെണ്‍കുട്ടിയുടെ മാതാവിൻ്റെ പരാതി പ്രകാരം തിരോധാനക്കേസ് ഇലവുംതിട്ട പോലീസ് രജിസ്റ്റര്‍ ചെയ്തു. പിന്നാലെ സ്‌റ്റേഷനില്‍ ഹാജരായ പെണ്‍കുട്ടിയെ കോടതിയില്‍ ഹാജരാക്കിയപ്പോള്‍ അരവിന്ദിനൊപ്പം പോകാനാണ് ഇഷ്ടമെന്ന് പറയുകയും വിട്ടയയ്ക്കുകയുമായിരുന്നു. നിലവില്‍ പെണ്‍കുട്ടിക്ക് പ്രായപൂര്‍ത്തിയായിട്ടുണ്ട്.
Latest
Kerala
ആരിഫ് മുഹമ്മദ് ഖാന്‍ ബിഹാര്‍ ഗവര്‍ണറാകും; കേരളത്തിന് രാജേന്ദ്ര അര്‍ലേക്കര്‍
Health
മെഗാ മെഡിക്കല്‍ ക്യാമ്പ് സംഘടിപ്പിച്ചു
Saudi Arabia
തുര്‍ക്കിയില്‍ ടൂറിസ്റ്റ് ബസിന് തീപിടിച്ചു; 35 സഊദി വിനോദ സഞ്ചാരികള്‍ അത്ഭുതകരമായി രക്ഷപ്പെട്ടു
Kerala
നഗരി ഒരുങ്ങി; എസ് വൈ എസ് കേരള യുവജന സമ്മേളനം മറ്റന്നാൾ തൃശൂരിൽ തുടങ്ങും
Kerala
നിക്ഷേപകന്‍ സാബുവിന്റെ മരണം; സൊസൈറ്റി ജീവനക്കാരായ മൂന്ന് പേര്‍ക്കെതിരെ ആത്മഹത്യാ പ്രേരാണാ കുറ്റം ചുമത്തി
National
ജമ്മു കശ്മീരില്‍ സൈനിക വാഹനം കൊക്കയിലേക്ക് മറിഞ്ഞ് അഞ്ച് മരണം
Kerala