Kerala
സ്‌കൂള്‍ വിദ്യാര്‍ഥികള്‍ക്ക് നാട്ടുകാര്‍ നിര്‍മിച്ചു നല്‍കിയ കാത്തിരിപ്പ് കേന്ദ്രം ശക്തമായ കാറ്റില്‍ തകര്‍ന്നു
സ്‌കൂള്‍ കവലയില്‍ മുമ്പ്‌ ഉണ്ടായിരുന്ന കാത്തിരിപ്പ് കേന്ദ്രം മലയോര ഹൈവേ വികസനത്തിന്റെ ഭാഗമായി പൊളിച്ചുമാറ്റിയിരുന്നു
കുളത്തൂപ്പുഴ | കുളത്തൂപ്പുഴ കല്ലുവെട്ടാംകുഴി ഹൈസ്‌കൂള്‍ വിദ്യാര്‍ഥികള്‍ക്കായി നാട്ടുകാര്‍ നിര്‍മിച്ചു നല്‍കിയ കാത്തിരിപ്പ് കേന്ദ്രം ശക്തമായ കാറ്റില്‍ നിലം പൊത്തി. പ്രദേശവാസികള്‍ കമ്പും തടിയും തകരഷീറ്റും ഉപയോഗിച്ച് നിര്‍മിച്ചു നല്‍കിയ കാത്തിരിപ്പ് കേന്ദ്രമാണ് തകര്‍ന്നത്. സ്‌കൂള്‍ കവലയില്‍ മുമ്പ്‌ ഉണ്ടായിരുന്ന കാത്തിരിപ്പ് കേന്ദ്രം മലയോര ഹൈവേ വികസനത്തിന്റെ ഭാഗമായി പൊളിച്ചുമാറ്റിയിരുന്നു. ഹൈവേ നിര്‍മാണം പൂര്‍ത്തിയായിട്ടും അധികൃതര്‍ കാത്തിരിപ്പ് കേന്ദ്രം നിര്‍മ്മിച്ചു നല്‍കിയില്ല.
പലതവണ നാട്ടുകാര്‍ ആവശ്യപെട്ടിട്ടും കാത്തിരിപ്പ് കേന്ദ്രം നിര്‍മിച്ചു നല്‍കാത്തതിനെ തുടര്‍ന്ന് നാട്ടുകാര്‍ സംഘടിച്ച് താല്‍കാലികമായി കാത്തിരിപ്പ് കേന്ദ്രം നിര്‍മിക്കുകയായിരുന്നു. ശക്തമായ കാറ്റില്‍ കാത്തിരിപ്പ് കേന്ദ്രം തകര്‍ന്നതോടെ സ്‌കൂള്‍ വിട്ടെത്തുന്ന വിദ്യാര്‍ഥികള്‍ക്കും യാത്രക്കാര്‍ക്കും മഴയും വെയിലുമേല്‍ക്കാതെ നില്‍ക്കാന്‍ ഒരു ഇടമില്ലാതായിരിക്കുകയാണ്.
Latest
ഇടത് അവിശ്വാസ പ്രമേയം പാസായി; ഫ്രഞ്ച് സര്‍ക്കാര്‍ നിലംപതിച്ചു
സിനിമ റിലീസ് ദിനത്തില്‍ തിക്കിലും തിരക്കിലും പെട്ട് വീട്ടമ്മ മരിച്ചു
യുണൈറ്റഡ് ഹെല്‍ത്ത് കെയര്‍ സി ഇ ഒ ബ്രയാന്‍ തോംസണ്‍ വെടിയേറ്റ് മരിച്ചു
ഹിന്ദുസ്ഥാന്‍ പെട്രോളിയം പ്ലാന്റില്‍ നിന്ന് ഓടയിലൂടെ ഡീസല്‍ ഒഴുകി
കേരള ഹൈക്കോടതി ജീവനക്കാര്‍ ഓഫീസ് സമയത്ത് മൊബൈല്‍ ഫോണ്‍ ഉപയോഗിക്കുന്നതിന് വിലക്ക്
ഉപഹാരമെന്ന് പ്രചരിപ്പിച്ചത് ചാനലുകള്‍ ട്രോളി ബാഗില്‍ നിയമസഭയുമായി ബന്ധപ്പെട്ട രേഖകള്‍: പതിവ് രീതിയെന്ന് സ്പീക്കറുടെ ഓഫീസ്
