National
രാജ്യത്തെ ഏറ്റവും മോശം സര്‍ക്കാര്‍ സ്‌കൂളുകള്‍ തമിഴ്‌നാട്ടില്‍; വീണ്ടും വിമര്‍ശനവുമായി ഗവര്‍ണര്‍ ആര്‍ എന്‍ രവി
ഉത്തര്‍പ്രദേശിനേക്കാളും ബിഹാറിനെക്കാളും മോശം അവസ്ഥയാണ് സര്‍ക്കാര്‍ സ്‌കൂളുകളുടേതെന്നും ഗവര്‍ണര്‍ .
ചെന്നൈ| തമിഴ്‌നാട് സര്‍ക്കാരിനെതിരെ വീണ്ടും രൂക്ഷ വിമര്‍ശനവുമായി ഗവര്‍ണര്‍ ആര്‍ എന്‍ രവി. രാജ്യത്തെ ഏറ്റവും മോശം സര്‍ക്കാര്‍ സ്‌കൂളുകള്‍ തമിഴ്‌നാട്ടിലാണെന്ന് ഗവര്‍ണര്‍ പറഞ്ഞു. ഉത്തര്‍പ്രദേശിനേക്കാളും ബിഹാറിനെക്കാളും മോശം അവസ്ഥയാണ് സര്‍ക്കാര്‍ സ്‌കൂളുകളുടേതെന്നും ഗവര്‍ണര്‍ ആരോപിച്ചു. എന്നാല്‍ സംസ്ഥാനത്തെ സ്വകാര്യ സ്‌കൂളുകള്‍ ഇന്ത്യയില്‍ ഒന്നാമതാണെന്നും ആര്‍ എന്‍ രവി കൂട്ടിച്ചേര്‍ത്തു.
രാജ്യത്ത് ഏറ്റവും കൂടുതല്‍ ദളിത് പീഡനം നടക്കുന്നത് തമിഴ്‌നാട്ടിലാണ്. ദളിതര്‍ക്കുള്ള പദ്ധതിയിലെ പണം വകമാറ്റി ചെലവഴിക്കുകയാണ്. സാമൂഹ്യനീതിയെ പറ്റി പ്രഭാഷണം നടത്തുന്നിടത്താണ് ഈ ദുരവസ്ഥ എന്നും ആര്‍എന്‍ രവി പറഞ്ഞു. നെഹ്റുവിന് അംബേദ്കറോട് വെറുപ്പായിരുന്നുവെന്നും അംബേദ്കരുടെ പ്രതിഭയെ നെഹ്റു ഭയന്നുവെന്നും അദ്ദേഹം ആരോപിച്ചു. അംബേദ്കറെ നെഹ്റു ലോക്‌സഭയില്‍ പ്രവേശിപ്പിച്ചില്ല. ഭാരത രത്‌ന നല്‍കാതെ അംബേദ്കറെ നെഹ്റു അപമാനിച്ചെന്നും ആര്‍ എന്‍ രവി ഗുരുതര ആരോപണം ഉന്നയിച്ചു.
രാജ്ഭവനിലെ ഭാരതിയാര്‍ മണ്ഡപത്തില്‍ അംബേദ്കര്‍ ജന്മവാര്‍ഷിക ദിനത്തില്‍ സംസാരിക്കുകയായിരുന്നു അദ്ദേഹം.
Latest
മൂഡ ഭൂമിയിടപാട് കേസ്: സിദ്ധരാമയ്യക്കും ഭാര്യക്കും ഹൈക്കോടതി നോട്ടീസ്
മുസ്‌ലിം വിഭാഗത്തിന് കരാറുകളില്‍ സംവരണം; നിയമസഭ പാസ്സാക്കിയ ബില്ല് രാഷ്ട്രപതിക്ക് അയച്ച് കര്‍ണാടക ഗവര്‍ണര്‍
നേര്യമംഗലം മണിയന്‍പാറ അപകടം: കെ എസ് ആര്‍ ടി സി ഡ്രൈവര്‍ക്ക് സസ്പെന്‍ഷന്‍
ഹജ്ജ് യാത്രാ അനിശ്ചിതത്വം: അലംഭാവത്തിന് കാരണം കേന്ദ്ര സര്‍ക്കാര്‍; നയതന്ത്ര ഇടപെടല്‍ ആവശ്യപ്പെട്ട് സംസ്ഥാന മുഖ്യമന്ത്രിമാര്‍
ഭിന്നശേഷിക്കാരന് നേരേ ലൈംഗികാതിക്രമം: വയോധികന്‍ അറസ്റ്റില്‍
അമ്പരപ്പിക്കുന്ന സംഭവം: ഉത്തർപ്രദേശിൽ ജലദോഷത്തിന് ചികിത്സയായി അഞ്ചുവയസ്സുകാരനെ പുകവലിപ്പിച്ച് ഡോക്ടർ
