Kerala
മൃതദേഹത്തില്‍ മുറിവുകളോ ക്ഷതങ്ങളോ ഇല്ല; ഗോപന്‍ സ്വാമിയുടെ പോസ്റ്റുമോര്‍ട്ടം പൂര്‍ത്തിയായി
ഇന്ന് മോര്‍ച്ചറിയില്‍ സൂക്ഷിക്കുന്ന മൃതദേഹം നാളെ ബന്ധുക്കള്‍ക്ക് വിട്ടുനല്‍കി ഉച്ചക്ക് മൂന്നിന് ആചാര പ്രകാരം വീട്ടുവളപ്പില്‍ സംസ്‌കരിക്കും
നെയ്യാറ്റിന്‍കര | സമാധി കേസില്‍ കല്ലറ പൊളിച്ച് പുറത്തെടുത്ത നെയ്യാറ്റിന്‍കര ഗോപന്‍ സ്വാമിയുടെ പോസ്റ്റുമോര്‍ട്ടം പൂര്‍ത്തിയായി. ശരീരത്തില്‍ മുറിവുകളോ ക്ഷതങ്ങളോ ഇല്ല. വിഷം ഉള്ളില്‍ ചെന്നിട്ടില്ലെന്നും വിവരമുണ്ട്. എന്നാല്‍ ആന്തരിക അവയവങ്ങളുടെ ശാസ്ത്രീയ പരിശോധനകള്‍ ഇനിയും പൂര്‍ത്തിയാകാനുണ്ട്. മരണ കാരണം വ്യക്തമല്ലെന്നാണ് മെഡിക്കല്‍ കോളജ് ഡോക്ടര്‍മാരുടെ പ്രാഥമിക വിലയിരുത്തല്‍. രാസപരിശോധനാ റിപോര്‍ട്ട് കൂടി പുറത്തുവന്നതിന് ശേഷമേ മരണ കാരണം വ്യക്തമാകൂവെന്ന് ഫോറന്‍സിക് ഡോക്ടര്‍മാര്‍ അറിയിച്ചു.
മരിച്ച ശേഷമാണ് സമാധിയിലിരുത്തിയെന്നാണ് വിവരം. മൃതദേഹത്തില്‍ പരുക്കുകള്‍ ഉണ്ടോ എന്ന് കണ്ടെത്താന്‍ റേഡിയോളജി, എക്‌സറെ പരിശോധന നടത്തിയിരുന്നു. മൃതദേഹം ഇന്ന് നെയ്യാറ്റിന്‍കര മിംസ് മെഡിക്കല്‍ കോളജിലെ മോര്‍ച്ചറിയില്‍ സൂക്ഷിച്ച് നാളെ ബന്ധുക്കള്‍ക്ക് വിട്ടുനല്‍കും. തുടര്‍ന്ന് നാളെ ഉച്ചക്ക് മൂന്നിന് ആചാര പ്രകാരം വീട്ടുവളപ്പില്‍ സംസ്‌കരിക്കും.
ഗോപന്‍ സ്വാമിയുടെ വിവാദ കല്ലറ ഇന്ന് രാവിലെയാണ് പൊളിച്ചത്. ഇരിക്കുന്ന നിലയിലായിരുന്നു മൃതദേഹം കല്ലറയില്‍ കണ്ടെത്തിയത്. വായ തുറന്ന നിലയിലായിരുന്നുണ്. വായില്‍ ഭസ്മവും മൃതദേഹത്തിന്റെ നെഞ്ചുവരെ പൂജാദ്രവ്യങ്ങള്‍ നിറച്ചിരുന്നു.
Latest
ഭാരതപ്പുഴയില്‍ കുളിക്കാനിറങ്ങിയ നാലംഗ കുടുംബം ഒഴുക്കില്‍പ്പെട്ടു; ഒരാളെ രക്ഷപ്പെടുത്തി
ഗസ്സയില്‍ ആക്രമണം അതിരൂക്ഷം: വെടിനിര്‍ത്തലില്‍ നിന്ന് പിന്മാറാന്‍ തന്ത്രം മെനഞ്ഞ് ഇസ്‌റാഈല്‍
യുവതി വീട്ടിനുള്ളില്‍ മരിച്ച സംഭവം: ഒപ്പം താമസിച്ച തമിഴ്‌നാട് സ്വദേശി പിടിയില്‍
മാര്‍ച്ച് 31നകം ആര്‍ സി ബുക്ക് ഡിജിറ്റലാകും
മുണ്ടക്കൈ പുനര്‍നിര്‍മാണം: എസ് സുഹാസിന് പൂര്‍ണ ഉത്തരവാദിത്വം
റോഡ് കെട്ടിയടച്ചല്ല സമരം നടത്തേണ്ടതെന്ന് ജി സുധാകരന്‍
