Kerala
കോഴിക്കോട് സൈനിക സ്‌കൂളില്‍ നിന്നും കാണാതായ പതിമൂന്നുകാരന്‍ പാലക്കാടെത്തി; കുട്ടിയുടെ ദൃശ്യങ്ങള്‍ സിസിടിവിയില്‍
മാര്‍ച്ച് 24ന് രാവിലെ 11.15ന്റെ സിസിടിവി ദൃശ്യങ്ങളിലാണ് കുട്ടിയുടെ സാന്നിധ്യമുള്ളത്
കോഴിക്കോട് | കോഴിക്കോട് വേദവ്യാസ സൈനിക സ്‌കൂളില്‍നിന്നു കാണാതായ പതിമൂന്നുകാരന്‍ പാലക്കാട് എത്തിയതായി കണ്ടെത്തി. കുട്ടി റെയില്‍വേ സ്റ്റേഷനില്‍ എത്തിയതിന്റെ സിസിടിവി ദൃശ്യങ്ങള്‍ പോലീസിന് ലഭിച്ചു. ബിഹാര്‍ മകത്പുര്‍ സ്വദേശിയായ സന്‍സ്‌കര്‍ കുമാര്‍ സിങ്ങിനെയാണ് 5 ദിവസം മുന്‍പ് സ്‌കൂളില്‍നിന്നു കാണാതായത്. കുട്ടിക്കു വേണ്ടിയുള്ള തിരച്ചിലിനിടെയാണ് പാലക്കാട് റെയില്‍വേ സ്റ്റേഷനില്‍ എത്തിയതായി സ്ഥിരീകരിച്ചത്.
മാര്‍ച്ച് 24ന് രാവിലെ 11.15ന്റെ സിസിടിവി ദൃശ്യങ്ങളിലാണ് കുട്ടിയുടെ സാന്നിധ്യമുള്ളത്. കുട്ടി സ്വദേശമായ ബിഹാറിലേക്കാണോ പോയതെന്നുള്‍പ്പെടെ പോലീസ് അന്വേഷിക്കുന്നുണ്ട്. ഹോസ്റ്റലില്‍നിന്നു നടന്ന് കോഴിക്കോട് റെയില്‍വേ സ്റ്റേഷനില്‍ എത്തിയ കുട്ടി പിന്നീട് പാലക്കാട്ടേക്ക് പോകുകയായിരുന്നെന്ന് പൊലീസ് കണ്ടെത്തി.അതിസാഹസികമായാണു കുട്ടി ഹോസ്റ്റലില്‍നിന്നു രക്ഷപ്പെട്ടതെന്നു സ്‌കൂള്‍ അധികൃതര്‍ പറഞ്ഞു. പുലര്‍ച്ചെ ഒരു മണിയോടെ ഹോസ്റ്റലിന്റെ ഒന്നാം നിലയില്‍നിന്നു കേബിളില്‍ പിടിച്ചിറങ്ങിയ കുട്ടി താഴേക്ക് എറിഞ്ഞ കിടക്കയിലേക്ക് ചാടിയാണ് പുറത്തുപോയത്. കുട്ടിയുടെ കൈവശം രണ്ടായിരത്തോളം രൂപ ഉണ്ടായിരുന്നു. മൊബൈല്‍ ഫോണില്ല. ബിഹാറിലുള്ള രക്ഷിതാക്കള്‍ക്കും കുട്ടിയെക്കുറിച്ച് വിവരം ലഭിച്ചിട്ടില്ലെന്ന് സ്‌കൂള്‍ അധികൃതര്‍ പറഞ്ഞു.
Latest
മുടി മുറിച്ച് ആശ വര്‍ക്കര്‍മാര്‍; സക്രട്ടേറിയേറ്റിന് മുന്നിലെ സമരം കടുക്കുന്നു
പൃഥിരാജ് രാജ്യവിരുദ്ധരുടെ ശബ്ദമായി മാറി; വീണ്ടും ആരോപണവുമായി ഓര്‍ഗനൈസര്‍
പെരുന്നാള്‍ ദിനത്തില്‍ ലഹരിക്കെതിരെ 652 കേന്ദ്രങ്ങളില്‍ എസ് വൈ എസ് ജനനിര ; ജില്ലാതല ഉദ്ഘാടനം സ്വലാത്ത് നഗറില്‍ നടന്നു
പെരുമ്പാവൂര്‍ എഎസ്പിയുടെ പേരില്‍ വ്യാ ഇ മെയില്‍; പോലീസ് ഉദ്യോഗസ്ഥനെ സ്ഥലം മാറ്റി
സംസ്ഥാനത്ത് താപനില ഉയരുമെന്ന് മുന്നറിയിപ്പ്
ഈദുല്‍ ഫിത്ര്‍ നിസ്‌കാരം; ഇരുഹറമുകളിലും ലക്ഷങ്ങള്‍ പങ്കെടുത്തു
