തിരുവനന്തപുരം സി പി എം ഓഫീസ് ആക്രമണം: പ്രതികളെ തിരിച്ചറിഞ്ഞു, അറസ്റ്റ് ഉടന്‍

തിരുവനന്തപുരം | തലസ്ഥാനത്തെ സി പി എം ജില്ലാ ഓഫീസ് കഴിഞ്ഞ ദിവസം രാത്രി ആക്രമിച്ച പ്രതികളെ പോലീസ് തിരിച്ചറിഞ്ഞു. എ ബി വി പി പ്രവര്‍ത്തകരാണ് ആക്രമിച്ചത്. ഇവരുടെ അറസ്റ്റ് ഉടനെയുണ്ടാകും.

സി സി ടി വി ദൃശ്യങ്ങളാണ് പ്രതികളെ തിരിച്ചറിയുന്നതിന് നിര്‍ണായകമായത്. മൂന്ന് ബൈക്കുകളിലെത്തിയ ആറംഗ സംഘമാണ് ഓഫീസിന് നേരെ ആക്രമണം നടത്തിയത്. ഇതില്‍ മൂന്ന് പേരെയാണ് തിരിച്ചറിഞ്ഞത്.

ഇവര്‍ തിരുവനന്തപുരത്തെ സ്വകാര്യ ആശുപത്രിയില്‍ ചികിത്സയിലാണ്. വഞ്ചിയൂരില്‍ കൗണ്‍സിലറെ കൈയേറ്റം നടത്തിയ കേസിലെ പ്രതികളും ഇവരാണ്. ഒന്നര മാസം മുമ്പ് സി പി എം സംസ്ഥാന ഓഫീസായ എ കെ ജി സെന്ററിന് നേരെ പടക്കമെറിഞ്ഞ കേസില്‍ പ്രതികളെ പോലും തിരിച്ചറിയാന്‍ പോലീസിന് സാധിച്ചിരുന്നില്ല.