ഇത് നല്ല ലക്ഷണമല്ല

കേരള സംസ്ഥാനം രൂപവത്കരിച്ച കാലം മുതൽ കൊലപാതകങ്ങളുടെ നിരക്ക് (ഒരു ലക്ഷം ജനസംഖ്യക്ക് എത്ര എന്ന കണക്കിൽ നോക്കിയാൽ) നിരക്ക് കുറഞ്ഞു വരികയായിരുന്നു (തൊള്ളായിരത്തി അറുപത്തി ഒന്നിൽ കേരളത്തിൽ 262 കൊലപാതകങ്ങൾ ആണ് നടന്നത്, ജനസംഖ്യ 169 ലക്ഷം, അപ്പോൾ കൊലപാതക നിരക്ക് 1.55). എന്നാൽ, നിലവിൽ കേരളത്തിലെ കൊലപാതകങ്ങളുടെ എണ്ണം ( 337) സമീപകാലത്തെ ഏറ്റവും ഉയരത്തിലാണെന്നും യു എൻ പരിസ്ഥിതി ലഘൂകരണ വിഭാഗം തലവൻ മുരളീ തുമ്മാരുകുടി ഫേസ്ബുക്കിൽ കുറിച്ചു. പൊതുവെ ജനജീവിതം മന്ദഗതിയിൽ ആയിരുന്ന രണ്ടായിരത്തി ഇരുപത്തി ഒന്നിൽ എന്തുകൊണ്ടാണ് കേരളത്തിൽ കൊലപാതകങ്ങൾ കൂടിയത് ? നമ്മുടെ ഒക്കെ മുൻവിധി അനുസരിച്ച് ഒറ്റയടിക്ക് അഭിപ്രായം പറയാൻ എളുപ്പമാണ്. മയക്ക് മരുന്ന്, ക്വട്ടേഷൻ, മറുനാടൻ തൊഴിലാളികൾ, അക്രമ രാഷ്ട്രീയം എന്നിങ്ങനെ. പക്ഷെ കണക്കുകൾ അവലംബിച്ചു ചെയ്താൽ മാത്രമേ നമ്മുടെ കൊലപാതക നിരക്ക് കുറക്കാൻ പറ്റൂ. ഏതു തരത്തിലുള്ള കൊലപാതകങ്ങൾ ആണ് കൂടിയത് ? കുടുംബത്തിനകത്തുള്ള കൊലപാതകങ്ങൾ ? സാമ്പത്തികമായ കൊടുക്കൽ വാങ്ങലുകളുമായി ബന്ധപ്പെട്ടത് ? മയക്കുമരുന്നുമായി ബന്ധപ്പെട്ടത് ? കവർച്ച ? രാഷ്ട്രീയ കൊലപാതകങ്ങൾ ? മറുനാടൻ തൊഴിലാളികളുമായി ബന്ധപ്പെട്ടത് ? ദുരഭിമാനക്കൊലകൾ ? എന്തുകൊണ്ടാണ് കേരളത്തിൽ കൊലപാതകങ്ങൾ കൂടുന്നത്, ഏതു തരം കൊലപാതകങ്ങൾ ആണ് കൂടുന്നത് എന്നതൊക്കെ ശരിയായി അപഗ്രഥിച്ചിട്ട് വേണം പരിഹാരം കണ്ടെത്താനും നടപ്പിലാക്കാനും. പൊതുവെ താഴേക്ക് വന്നതിന് ശേഷം രണ്ടായിരത്തി പത്തൊമ്പതിൽ ഇതുപോലൊരു സ്പൈക്ക് ഉണ്ടായി. ഇപ്പോൾ ഇതാ വീണ്ടും. ഇത് നല്ല ലക്ഷണമല്ല. പക്ഷെ ഇക്കാര്യത്തിൽ സർക്കാരിന്റെ അടിയന്തര ശ്രദ്ധ വേണമെന്നും അദ്ദേഹം ഫേസ്ബുക്കിൽ കുറിച്ചു. കുറിപ്പ് പൂർണരൂപത്തിൽ:

കൂടുന്ന കൊലപാതകങ്ങൾ