തൊടുപുഴ നഗരസഭാ ചെയര്‍മാന്‍ തിരഞ്ഞെടുപ്പ്: യു ഡി എഫില്‍ ഭിന്നത

ഇടുക്കി/പത്തനംതിട്ട | തൊടുപുഴ നഗരസഭാ ചെയര്‍മാന്‍ തിരഞ്ഞെടുപ്പില്‍ യു ഡി എഫില്‍ ഭിന്നത. കോണ്‍ഗ്രസ്സും ലീഗും സ്ഥാനാര്‍ഥികളെ നിര്‍ത്തി. ഇരു കൂട്ടര്‍ക്കും ആറു വീതം അംഗങ്ങളുണ്ട്. ഭരണം ഇടത് മുന്നണി നിലനിര്‍ത്താനാണ് സാധ്യത കല്‍പ്പിക്കപ്പെടുന്നത്.

തുമ്പമണ്‍ ബേങ്ക് തിരഞ്ഞെടുപ്പില്‍ കള്ളവോട്ടെന്ന് ആരോപണം
പത്തനംതിട്ട തുമ്പമണ്‍ സഹകരണ ബേങ്ക് തിരഞ്ഞെടുപ്പില്‍ കള്ളവോട്ട് നടന്നെന്ന് കോണ്‍ഗ്രസ്സ് ആരോപിച്ചു. കള്ളവോട്ടിന് തെളിവായി ചിത്രങ്ങള്‍ പുറത്തുവിട്ടു. സി പി എം ലോക്കല്‍, ബ്രാഞ്ച് സെക്രട്ടറിമാര്‍ ഉള്‍പ്പെടെ കള്ളവോട്ട് ചെയ്‌തെന്നാണ് ആരോപണം.

ലോക്കല്‍ സെക്രട്ടറി ഉന്മേഷ്, ബ്രാഞ്ച് സെക്രട്ടറി ദീപു എന്നിവര്‍ കള്ളവോട്ട് ചെയ്‌തെന്ന് കോണ്‍ഗ്രസ്സ് പരാതിപ്പെട്ടു. ശനിയാഴ്ച വോട്ടെടുപ്പിനിടെ സംഘര്‍ഷമുണ്ടായിരുന്നു. ഡി സി സി അധ്യക്ഷന്‍ കള്ളവോട്ടിന് ആഹ്വാനം ചെയ്‌തെന്ന് സി പി എമ്മും ആരോപിച്ചു.