തൃക്കാക്കര ഉപതിരഞ്ഞെടുപ്പ്; സ്ഥാനാര്‍ഥി സാധ്യത തള്ളാതെ ഉമ തോമസ്

കൊച്ചി |  തൃക്കാക്കര ഉപതിരഞ്ഞെടുപ്പില്‍ സ്ഥാനാര്‍ഥി സാധ്യത തള്ളാതെ പിടി തോമസിന്റെ ഭാര്യ ഉമ തോമസ്. തൃക്കാക്ക വ്യക്തിപരമായി ഏറെ പരിചയമുള്ള മണ്ഡലമാണ്. പാര്‍ട്ടി തീരുമാനം വരാതെ സ്ഥാനാര്‍ത്ഥിത്വത്തില്‍ പ്രതികരിക്കാനില്ലെന്ന് ഉമ തോമസ് പറഞ്ഞു. പി ടി തോമസ് അച്ചടക്കമുള്ള കോണ്‍ഗ്രസ് പ്രവര്‍ത്തകനായിരുന്നു. ആ അച്ചടക്കം തുടരണം എന്നാണ് ആഗ്രഹിക്കുന്നത്.തന്നെ സ്ഥാനാര്‍ഥിയായി പരിഗണിക്കുന്നുണ്ടോയെന്ന് അറിയില്ലെന്നും ഉമ തോമസ് പറഞ്ഞു.

അതേ സമയം സ്ഥാനാര്‍ത്ഥിയെ നിശ്ചയിക്കാനുള്ള കോണ്‍ഗ്രസിന്റെ ഔദ്യോഗിക ചര്‍ച്ച ഇന്ന് തിരുവനന്തപുരത്ത് നടക്കും.കോണ്‍ഗ്രസിന്റെ സിറ്റിംഗ് സീറ്റില്‍ പി ടി തോമസിന്റെ മണ്ഡലത്തില്‍ ജയം ഉറപ്പാക്കാന്‍ ഉമ തോമസിനെ ഇറക്കാനാണ് നേതൃത്വത്തിന്റെ നീക്കം. കെപിസിസിയിലെ അടിയന്തിര യോഗവും ഉമയുടെ പേരിനാകും മുന്‍ഗണന നല്‍കുക എന്നാണ് അറിയുന്നത്.