National
ടിക്കറ്റ് എടുക്കുന്നതിലെ തര്ക്കം; ചെന്നൈയില് ബസ് കണ്ടക്ടറെ യാത്രക്കാരന് തല്ലിക്കൊന്നു
ഇന്നലെ രാത്രി അണ്ണാ നഗറിന് സമീപത്തു വച്ചാണ് സംഭവമുണ്ടായത്
ചെന്നൈ | ചെന്നൈയില് സര്ക്കാര് ബസിലെ കണ്ടക്ടറെ യാത്രക്കാരന് തല്ലിക്കൊന്നു. എംടിസി ബസ് കണ്ടക്ടര് ജഗന്കുമാര് (52) ആണ് കൊല്ലപ്പെട്ടത്. വെല്ലൂര് സ്വദേശി ഗോവിന്ദനാണ് കൊലപാതകം നടത്തിയത്. ടിക്കറ്റ് എടുക്കുന്നതുമായി ബന്ധപ്പെട്ട തര്ക്കമാണ് കയ്യാങ്കളിയിലും തുടര്ന്ന് കൊലപാതകത്തിലും കലാശിച്ചത്. ആശുപത്രിയില് എത്തിച്ചപ്പോഴേക്കും ജഗന്കുമാര് മരിച്ചു.
ഇന്നലെ രാത്രി അണ്ണാ നഗറിന് സമീപത്തു വച്ചാണ് സംഭവമുണ്ടായത്. കയ്യാങ്കളിക്കിടെ പരുക്കേറ്റ ഗോവിന്ദന് ആശുപത്രിയില് ചികിത്സയിലാണ്.
---- facebook comment plugin here -----